«PVK «Vahnier» nie budzie padpisvać nijakich kantraktaŭ z Šajhu». Pryhožyn adkazaŭ Minabarony RF
Zasnavalnik PVK «Vahnier» Jaŭhien Pryhožyn adkazaŭ na zahad Minabarony RF ab tym, što ŭsie «dobraachvotnickija atrady» musiać padpisać kantrakt ź Minabarony da 1 lipienia.
«PVK «Vahnier» nie budzie padpisvać nijakich kantraktaŭ z Šajhu», — havorycca ŭ adkazie Pryhožyna.
Jon dadaje, što «PVK «Vahnier» maje najhłybiejšy dośvied i źjaŭlajecca vysokaefiektyŭnaj strukturaj».
«Na žal, takoj efiektyŭnaściu bolšaść vajskovych častak nie vałodaje i jakraz praz toje, što Šajhu nie moža narmalna kiravać vajskovymi farmavańniami.
Tamu toje, što jon napiša ŭkazy abo zahady, heta raspaŭsiudžvajecca vyklučna na Ministerstva abarony i na tych, chto znachodzicca ŭ ramkach Ministerstva abarony. Z tym, što moža zdarycca paśla hetaha zahadu — nam nie buduć davać ŭzbrajeńnie i bojeprypasy, — raźbiaromsia, jak toj kazaŭ, kali hrom hrymnie, prybiahuć i pryniasuć ŭzbrajeńnie i bojeprypasy z prośbaj «dapamažycie», — kaža Pryhožyn.
Taksama jon dadaje, što PVK «Vahnier» uzhadniaje ŭsie svaje dziejańni i vykonvaje zadačy, pastaŭlenyja hienierałam armii Suravikinym.
Ukaz Minabarony RF padpisany na fonie praciahłaha kanfliktu zasnavalnika PVK Jaŭhiena Pryhožyna z vajennym kiraŭnictvam Rasii.
«Mianie trojčy sprabavali rasstralać». Padpałkoŭnik, jakoha ŭziali ŭ pałon «vahnieraŭcy», raskazaŭ svaju viersiju padziej
«My na siońnia prajhrajom vajnu. Dzie našy kłoŭny?» Pryhožyn znoŭ prajšoŭsia pa Šajhu i Hierasimavie i prapanavaŭ ich rasstralać
«Pačvary śmiardziučyja, vy što robicie?» Pryhožyn nakinuŭsia na Minabarony Rasii
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary