Pra pačatak mižnarodnaha rasśledavańnia paviedamiŭ Uładzimir Zialenski ŭ viečarovym videzvarocie.
U svaim zvarocie Zialenski raskazaŭ, što dniami Chiersonščynu naviedali pradstaŭniki Mižnarodnaha kryminalnaha suda.
«U pieršy ž dzień paśla katastrofy hienieralny prakuror adpraviŭ u ofis prakurora Mižnarodnaha kryminalnaha suda adpaviedny zvarot pa rasśledavańni hetaj katastrofy, i praca ŭžo pačałasia.
Vielmi važna, što pradstaŭniki mižnarodnaha pravasudździa na svaje vočy ŭbačyli nastupstvy hetaha rasijskaha terakta i sami pačuli, što rasijski teror praciahvajecca. I praciahvajecca jašče maksimalna cyničnymi i žorstkimi abstrełami zatoplenaj terytoryi, terytoryi evakuacyi».
Zialenski dadaŭ, što ŭkrainskija ŭłady buduć spryjać abjektyŭnamu rasśledavańniu i daduć poŭny dostup da paškodžanych terytoryj i da ŭsioj infarmacyi.
«Heta rasśledavańnie vielmi važnaje dla biaśpieki ŭsiaho śvietu», — adznačyŭ ukrainski prezident.
Bližejšym časam buduć vyzvaleny bolš za 150 palitźniavolenych39
Kamientary