Kitaj abviarhaje infarmacyju ab pastaŭkach svaich uzbrajeńniaŭ Ramzanu Kadyravu
«My ničoha nie viedajem pra hetyja branieviki ŭ Čačni».
MZS Kitaja nie maje nijakaj infarmacyi ab pastaŭkach kitajskich broniemašyn sałdatam Ramzana Kadyrava ŭ Rasiju. Pra heta 12 červienia paviedamiŭ aficyjny pradstaŭnik kitajskaha MZS Van Veńbiń, adkazvajučy na pytańnie ŭkrainskaha žurnalista, pieradaje TASS.
Pa słovach Veńbinia, Kitaj nie imkniecca raspalvać varožaść va Ukrainie šlacham pastavak uzbrajeńnia bakam kanfliktu i choča prasoŭvać mirny pierahavorny praces dla jaho zakančeńnia.
U dadatak da hetaha kitajski pradstaŭnik papraknuŭ suśvietnyja miedyja ŭ nieabjektyŭnaści i nieprafiesijanaliźmie pry padačy infarmacyi ab palitycy Kitaja.
«Ja nie maju nijakaha paniaćcia ab tak zvanych dokazach pastavak našych uzbrajeńniaŭ Čačni, pra jakija vy kažacie. Kitaj nie pastaŭlaje zbroi i nie raspalvaje varožaści, a tolki imkniecca da mirnaha ŭrehulavańnia kanfliktu. I hetaja pazicyja pavinna być vidavočnaja dla suśvietnaj supolnaści, a pa-sapraŭdnamu adkaznyja miedyja musiać pavodzić siabie abjektyŭna i prafiesijna, abapirajučysia na realnyja fakty», — zajaviŭ aficyjny pradstaŭnik MZS KNR Van Veńbiń.
Nahadajem, što niadaŭna sam kiraŭnik Čačni Ramzan Kadyraŭ vykłaŭ videa, u jakim pakazaŭ kuplenuju dla vajny va Ukrainie vajskovuju techniku, siarod jakoj byli zaŭvažanyja novyja kitajskija broniemašyny Tiger 4x4. Heta moža ličycca pieršym aficyjnym paćviardžeńniem fakta vajskovych pastavak Kitaja ŭ Rasiju z momantu pačatku poŭnamaštabnaj vajny va Ukrainie.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia23
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary