Сітуацыя з затрыманымі журналістамі ў Светлагорску: мужчын пакаралі суткамі, жанчын — штрафамі
Сталі вядомыя падрабязнасці затрыманняў і судоў над супрацоўнікамі светлагорскага тэлеканала «Ранак».
У пятніцу затрымалі дзевяць супрацоўнікаў «Ранак-медыя» і «Ранак-рэклама».
Сярод іх Андрэй Ліпскі — журналіст, Павел Рабко — аператар, Вадзім Вежнавец — галоўны рэдактар медыякампаніі, Уладзімір Папоў — аператар, Марына Бычкоўская — маркетолаг, Алена Кісялёва — галоўная бухгалтарка, Крысціна Казялькова — сакратарка, Ганна Згурская (цяжарная жанчына, на якую склалі пратакол і адпусцілі, суда над ёй пакуль не было), Елізавета Шавяленка (яе таксама адпусцілі пасля складання пратакола, бо яна мае інваліднасць, суда таксама пакуль не было).
Вядома, што ўсіх затрымлівалі ў розных месцах пасля працоўнага дня. Адну з жанчын затрымалі нават у іншым горадзе.
На ўсіх затрыманых склалі пратаколы па ч. 2 арт. 19.11 КаАП (распаўсюд экстрэмісцкіх матэрыялаў).
Мужчынам прысудзілі па 7 сутак адміністрацыйнага арышту, Бычкоўскай, Кісялёвай і Казяльковай — штраф памерам 25 базавых велічынь (925 рублёў), піша «Гомельская вясна».
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары