Arciom Aniščuk — fihurant spravy ab paškodžańni aŭtamabila Alaksandra Hiejca — namieśnika načalnika adździeła arhanizacyi apieratyŭna-režymnaj pracy Departamienta vykanańnia pakarańniaŭ. Jaho asudzili da dvuch hadoŭ kałonii, jakija jon całkam adbyŭ, piša «Viasna».
Adbyvać termin Arcioma nakiravali ŭ mahiloŭskuju kałoniju № 15, dzie jon zaznaŭ katavańni. U vieraśni 2021 hoda jaho pieraviali ŭ babrujskuju kałoniju № 2, dzie chłopiec taksama padviarhaŭsia cisku. Tam Arciom daviedaŭsia, što suprać jaho mahiloŭskimi śledčymi pravodzicca pravierka pa fakcie «abrazy milicyjanta ŭ zakrytym telehram-čacie».
Arciom musiŭ vyjści na svabodu, adbyŭšy całkam termin, 29 červienia 2022 hoda, ale jaho pierazatrymali i asudzili pa novaj kryminalnaj spravie jašče da hoda kałonii. Arciom na sudzie vinu nie pryznaŭ i zajaviŭ, što novaja kryminalnaja sprava — heta pomsta načalnika kałonii № 15, dzie jon zaznaŭ katavańni i źbićcio.
18 maja palitźniavoleny vyjšaŭ na volu, całkam adbyŭšy termin. Ciapier jon u biaśpiecy.
Mikałaj Kazłoŭ vyjšaŭ ź infarmacyjnaj błakady. Ale śmierć maci była dla jaho mocnym udaram
Aktyvist Ilja Mironaŭ raskazaŭ, navošta pisaŭ skarhi na Azaronka i jak stavicca da padazreńniaŭ u svoj bok
Sud razhledzić spravu «ab źmienie prymusovaha lačeńnia» ŭ dačynieńni da Maryi Uśpienskaj, udavy Andreja Zielcera
Kamientary