Mikałaj Kazłoŭ vyjšaŭ ź infarmacyjnaj błakady. Ale śmierć maci była dla jaho mocnym udaram
Pra heta «Narodnaj Voli» paviedamili paplečniki palityka, ad jakoha amal dva miesiacy nie było nijakich viestak z kałonii.
Eks-staršynia Abjadnanaj hramadzianskaj partyi byŭ asudžany na dva z pałovaj hady kałonii za ŭdzieł u adnym z maršaŭ pratestu ŭ žniŭni 2020 hoda. Pakarańnie jon adbyvaje ŭ mahiloŭskaj kałonii № 15.
«Kali ad Mikałaja amal dva miesiacy nie prychodziła nijakaj infarmacyi, heta było tryvožna, — raspaviadajuć paplečniki palityka. — Ciapier viestki ad jaho pryjšli. I zychodziačy ź ich, možna skazać tak: pa mierkach taho, dzie jon znachodzicca, situacyja bolš-mienš narmalnaja.
Trymajecca jon psichałahična i maralna dobra, usim pieradaje pryvitańni».
U minułym miesiacy ŭ Mikałaja Kazłova pamierła maci, ale na pachavańnie jaho nie puścili.
«Bolš za toje — navinu pra śmierć maci Mikałaju pieradali ź vialikim spaźnieńniem, — dadajuć blizkija palityka. — Strata rodnaha čałavieka stała dla jaho vielmi mocnym udaram.
Ale samaje hałoŭnaje, što apošnija dva tydni ad jaho pajšła infarmacyja. My dakładna nie viedajem, čamu da hetaha dva miesiacy nie było ad Mikałaja viestak, ale takaja zabarona tak prosta nie zdarajecca. Abo adbyvaŭ pakarańnie ŭ ŠIZA, abo byŭ admysłovy zahad. Była ž ahulnaja chvala takoj infarmacyjnaj błakiroŭki palitviaźniaŭ. Praŭda, Mikałaj z hetaj chvali, jak bačym, užo vyjšaŭ».
Ciapier čytajuć
U Sibiry zaharełasia i abrynułasia buravaja vyška «Biełarusnafty»2
U Sibiry zaharełasia i abrynułasia buravaja vyška «Biełarusnafty»
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1111
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu11
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary