13 červienia sud Pružanskaha rajona asudziŭ uładalnicu ahrasiadziby «Stuły» Łarysu Bycko na 15 sutak pa artykule ab raspaŭsiudzie «ekstremisckich materyjałaŭ». Pa hetym ža samym artykule sud Pružanskaha rajona asudziŭ i Ihara Palašenku.
Łarysa Mikałajeŭna Bycko — zahadčyca adździeła tradycyjnaj kultury Bresckaha abłasnoha hramadska-kulturnaha centra. Jana była arhanizatarkaj i režysiorkaj abłasnych śviataŭ-konkursaŭ falkłornaha mastactva, u tym liku «Hałasy Paleśsia» ŭ Ivanavie, «Tanočak» u vioscy Bieździež Drahičynskaha rajona. Pad jaje kiraŭnictvam u Bresckaj vobłaści realizujecca etnahrafičny prajekt «Ruch ziamli».
Taksama Łarysa Mikałajeŭna — inicyjatarka praviadzieńnia mižnarodnych pleneraŭ hančaroŭ u vioscy Haradnaja Stolinskaha rajona, abłasnych pleneraŭ raźbiaroŭ manumientalnaj skulptury, papularyzatarka narodnaha mastactva. U 2014 hodzie była ŭznaharodžanaja nahrudnym znakam «Za ŭkład u raźvićcio kultury Biełarusi» Ministerstva kultury.
Ahrasiadziba «Stuły» znachodzicca ŭ Pružanskim rajonie Bresckaj vobłaści ŭ adnajmiennaj vioscy, dzie žyŭ i pracavaŭ u adzinocie narodny majstar Biełarusi, stvaralnik sieryi draŭlanych skulptur Mikałaj Tarasiuk (mastak-samavuk, adzin z najbujniejšych majstroŭ naiŭnaha mastactva).
U 2016 hodzie muž i žonka Bycko ŭ centry vioski pabudavali kulturna-adukacyjny centr «Viaskovy reniesans», u jakim pravodzilisia roznyja kulturnyja mierapryjemstvy. Tut Alaksandr i Łarysa Bycko zajmalisia papularyzacyjaj biełaruskaj kultury, pravodzili pakazy batlejki.
Pra abłavu i zatrymańni na ahrasiadzibie «Stuły» stała viadoma 11 maja.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary