Na adnym z tok-šou ŭ efiry telekanała STB łukašysckija ideołahi abmierkavali prablemy adukacyi i, akramia inšaha, zakranuli pytańnie praviadzieńnia ŭ ścienach VNU dziaržaŭnaj ideałohii ŭ śfiery histaryčnaj pamiaci. Łahična, što inšych mietadaŭ dla pieramoh na ideałahičnym poli, jak tolki brutalnyja represii suprać niazhodnych, prychilniki režymu nie bačać.
Mikita Račyłoŭski, staršynia t. zv. «moładzievaha parłamienta» pry Nacyjanalnym schodzie, źviarnuŭ uvahu na kadravaje pytańnie, uspomniŭšy słovy Łukašenki padčas sioletniaha štohadovaha pasłańnia, što treba «pieratreści» rektarski skład VNU.
Na dumku maładoha ideołaha, «treba źviarnuć uvahu nie tolki na rektarski skład, ale i na prafiesarska-vykładčycki, tamu što, kali ščyra, na niekatorych histaryčnych fakultetach dziejecca takoje hłupstva. Tam takija bečebešniki zasieli, što pry mnie dziaŭčynu, jakaja stvaryła prajekt pa zachavańni, miemaryjalizacyi pamiaci ŭ Breście i Kobrynie, siabry histaryčnaha fakulteta peŭnaj VNU nazvali heta nie zachavańniem pamiaci, a turyzmam i krajaznaŭstvam.
To-bok kali zachavańnie podźvihaŭ hierojaŭ Savieckaha Sajuza — heta krajaznaŭstva, turyzm, to pra što tut možna kazać? Jak jany buduć vychoŭvać maładych historykaŭ? Jak jany pryjduć u škołu i što jany buduć raskazvać?»
Vykazvańnie pohladaŭ, adroznych ad aficyjnych, prapanujecca pryraŭniać da dziaržzdrady, a aŭtaraŭ litaratury, jakaja «supiarečyć ahulnapryniatym histaryčnym faktam», Račyłoŭski prapanavaŭ adpraŭlać pad sud i ŭ turmu.
Jahony ž kaleha pa «moładzievym parłamiencie» Pavieł Łatkovič dahavaryŭsia ŭvohule da taho, što kali takoje «skažeńnie faktaŭ»
«padymie vostruju prablemu až da revalucyi, to, naturalna, až da śmiarotnaha pakarańnia možna davodzić».
Čytajcie taksama:
U Połackim univiersitecie zvolnili za palityku troch vykładčykaŭ, šaściora zvolnilisia sami
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary