«Choča Łukašenka hrozna pavarušyć vusami — kali łaska». HUR Ukrainy prakamientavała raźmiaščeńnie jadziernaj zbroi ŭ Biełarusi
Aficyjny pradstaŭnik Hałoŭnaha ŭpraŭleńnia raźviedki Ukrainy Pavieł Jusaŭ padčas efiru na kanale žurnalista Hardona zajaviŭ, što najaŭnaść jadziernaj zbroi ŭ Biełarusi nie jość čymści chvalujučym i surjoznym.
Pa słovach pradstaŭnika HUR Ukrainy Paŭła Jusava, jadziernaja zbroja ŭ Biełarusi — heta nie samy horšy varyjant, jaki moža adbyvacca ŭ kantekście vajny va Ukrainie.
U efiry kanała žurnalista Dźmitryja Hardona 16 červienia Jusaŭ adznačyŭ, što dla Ukrainy ŭ pieršuju čarhu važny niaŭdzieł Biełarusi ŭ poŭnamaštabnaj naziemnaj apieracyi na baku Rasii, a ŭsio astatniaje — «dy na zdaroŭje!».
«Ničym dadatkovym dla Jeŭropy, NATA i Ukrainy heta nie pahražaje. Nu pakazvaje hetym Pucin, što jašče moža rabić niejkija paru krokaŭ na šachmatnaj došcy, i što? Dla Ukrainy važnym faktaram zastajecca toje, što, niahledziačy na ŭsie tancy ź jadziernymi bubnami, Biełaruś zastajecca niaŭciahnutaj u poŭnamaštabnuju naziemnuju apieracyju razam z Rasijaj.
A ŭsio astatniaje… nu choča Łukašenka pakryčać, pamachać kułakami, pahrazić kamuści ci hrozna pavarušyć vusami — kali łaska», — zajaviŭ aficyjny pradstaŭnik HUR Ukrainy Pavieł Jusaŭ.
Nahadajem, što siońnia padčas Pieciarburhskaha mižnarodnaha ekanamičnaha forumu Uładzimir Pucin paviedamiŭ, što pieršyja rasijskija taktyčnyja jadziernyja zarady ŭžo dastaŭlenyja ŭ Biełaruś.
Ždanaŭ: Kali połk Kalinoŭskaha vyrašyć zajści ŭ Biełaruś, Ukraina jamu dapamoža
Rasijanie ŭzarvali Kachoŭskuju HES dystancyjna — ukrainskaja raźviedka
Łukašenka zajaviŭ pra 150 tysiač zabitych i paranienych za čas kontrnastupu, Minabarony RF nazvała ličby ŭ 20 razoŭ mienšyja. Realnyja buduć jašče mienšyja
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»18
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary