Biełaruska Alena Povyšava zavajavała «Kryštalnuju savu» na «Što? Dzie? Kali?»
Jaje kamanda vyjhrała finał letniaj sieryi hulniaŭ u maskoŭskim kłubie.
Kamanda Aleny Povyšavaj (Dźmitryj Aŭdziejenka, Siarhiej Kavaleŭski, Vital Paharełaŭ, Siarhiej Kašnikaŭ, Pavieł Jaršoŭ i sama Alena Povyšava) akazałasia ŭ finale, kali vyjhrała adboračnuju hulniu, a astatnija pretendenty, u tym liku kamanda Alesia Muchina, svaje hulni prajhrali.
Cikava, što ŭ finale na stale było try pytańni ad telehledačoŭ ź Biełarusi. Pryčym pieršym akurat vypała pytańnie ad Alaksandra Fiedziukoviča ź Biarozy.
Kamanda vyjhrała finał, a potym pačałosia ŭznaharodžańnie.
Spačatku Alena Povyšava atrymała pryz «Kryštalny atam» jak najlepšy hulec kamandy, a zatym mahistry prahałasavali za jaje jak najlepšaha hulca letniaj sieryi — biełaruska atrymała «Kryštalnuju savu».
Alena Povyšava skončyła ŭniviersitet u Minsku, ale z 2011 hoda žyvie ŭ Sankt-Pieciarburhu. U «Što? Dzie? Kali?» hulaje z 2012 hoda, dva apošnija hady nie hulała. Jaje muž — znaŭca Juryj Filipaŭ.
Varta zaŭvažyć, što paśla šyrokamaštabnaha ŭvarvańnia Rasii va Ukrainu mnohija znaŭcy kłuba pakinuli maskoŭskuju hulniu ŭ znak pratestu, tamu niekatoryja kamandy vyhladajuć dosyć dziŭna. A paśla žniŭnia 2020 hoda dziasiatki hulcoŭ pakinuli biełaruskuju viersiju ŭ znak pratestu suprać represij, hvałtu i drennaha rename telekanała ANT, na jakim idzie biełaruskaja prahrama, jakuju viadzie Aleś Muchin.
Jak Kazłoŭ, Patašoŭ i inšyja znaŭcy «Što? Dzie? Kali?» padtrymlivajuć Pucina ŭ vajnie
Hulniu «Što? Dzie? Kali?» ŭpieršyniu za doŭhi čas pakazali nie ŭ žyvym efiry. Mahčyma, bajalisia paŭtareńnia situacyi z płakatam
«Heta była čysta amierykanskaja hulnia, jakaja robicca na kaściach udzielnikaŭ». Barys Burda — pra «Što? Dzie? Kali?», jaje viadučych i hulcoŭ
Kamientary