Biełhazprambank źmianiŭ skład svajoj rady dyrektaraŭ, jak vynikaje z dakumienta, jaki apublikavany na Adzinym partale finansavaha rynku, paviedamlaje Sputnik. U novym składzie niama Paŭła Daniejki — biznesmiena, źviazanaha ź biełaruskimi demakratyčnymi siłami.
U papiaredniaj viersii dakumienta ad 15 sakavika 2022 hoda Daniejka ŭsio jašče ličyŭsia ŭ radzie dyrektaraŭ Biełhazprambanka. Ciapier ža ŭ śpisie členaŭ zastalisia tolki dva niezaležnyja dyrektary: Alaksandr Kaznačejeŭ (top-mieniedžar Maskoŭskaha kredytnaha banka) i Kirył Levin (top-mieniedžar Raśsielhasbanka).
Daniejka pryjšoŭ na pasadu niezaležnaha dyrektara ŭ bank u 2018 hodzie, źjaŭlajučysia na toj momant kiraŭnikom hrupy kampanij IPM. U 2020 hodzie jon uvachodziŭ u Kaardynacyjnuju radu, a ŭ vieraśni 2021 hoda niekatoryja dziaržaŭnyja miedyja padvierhli Daniejku krytycy za suviazi z apazicyjaj.
Paźniej ekanamist pakinuŭ krainu, spačatku žyŭ u Kijevie, a ciapier u Vilni. Źjaŭlajecca administracyjnym dyrektaram Centra ekanamičnych daśledavańniaŭ BEROC.
U Biełarusi jon byŭ viadomy taksama jak biznes-lektar, udzielnik naziralnych radaŭ kampanij «Miłavica», «Farmlend» i «Homsielmaš». Uvachodziŭ i ŭ roznyja aŭtarytetnyja biznes-arhanizacyi, u tym liku i ŭ hramadska-kansultatyŭnuju radu pa raźvićci pradprymalnictva pry Minekanomiki Biełarusi.
U 1995—1996 hadach Pavieł Daniejka byŭ deputatam Viarchoŭnaha Savieta XIII sklikańnia, uvachodziŭ u skład frakcyi «Hramadzianskaje dziejańnie», jakaja hurtavała ludziej, źviazanych pieradusim z Abjadnanaj hramadzianskaj partyjaj.
Aleksijevič pra zatrymanaha try hady tamu Babaryku: U jaho była niejkaja navat naiŭnaja viera ŭ toje, što my možam niešta pamianiać
Praz try hady paśla vybaraŭ u Biełaruś ryzyknuŭ pryjechać pryjaciel Babaryki i «naziralnik ad «Hazprama» Alaksandr Miaškoŭ
Daniejka i Šviec abvierhli datyčnaść da stvareńnia prarasijskaj siły
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam1
Kamientary