Praz try hady paśla vybaraŭ u Biełaruś ryzyknuŭ pryjechać pryjaciel Babaryki i «naziralnik ad «Hazprama» Alaksandr Miaškoŭ
Alaksandr Miaškoŭ pryjechaŭ na radzimu paśla doŭhaha pieryjadu, kali jon na histaryčnaj radzimie nie byvaŭ. Toj pieryjad pačaŭsia z prezidenckich vybaraŭ — 2020. Miarkujučy pa sacyjałahičnych apytańniach, na tych vybarach biezumoŭnym favarytam hramadstva byŭ kiraŭnik Biełhazprambanka Viktar Babaryka, jakoha z Alaksandram Miaškovym źviazvali piersanalnyja i pracoŭnyja suviazi.
Alaksandr Miaškoŭ — adzin z dvuch synoŭ znakamitaha handbolnaha treniera Anatola Miaškova, u honar jakoha nazvany brescki handbolny kłub.
Sam Anatol Miaškoŭ naradziŭsia ŭ Kaściukovickim rajonie, ale potym pierajechaŭ u Brest, dzie ŭ jaho naradziłasia dvoje synoŭ.
Adzin ź ich, Siarhiej, zrabiŭ karjeru ŭ rasijskich siłavych strukturach, druhi, Alaksandr, — u «Hazpramie».
Alaksandr Miaškoŭ dasłužyŭsia da daradcy kiraŭnika «Hazprama» Alaksieja Milera, namieśnika kiraŭnika aparata «Hazprama» i kiraŭnika naziralnaj rady «Hazpram transhaz Biełaruś».
Praściej kažučy, Alaksandr Miaškoŭ apošni čas naziraŭ za hazpramaŭskimi spravami ŭ Biełarusi.
Hałoŭny aktyŭ «Hazprama» ŭ Biełarusi — heta hazavaja truba, jakuju Łukašenka pradaŭ rasijanam.
A hrošy hazpramaŭskich struktur u Biełarusi, hałoŭnaja ź jakich — «Hazpram transhaz Biełaruś», lažać i zaŭsiody lažali ŭ Biełhazprambanku, jakim kiravaŭ Viktar Babaryka.
Da Kłuba imia Miaškova Viktar Babaryka dačynieńnia nie mieŭ, Biełhazprambank kłuba nie spansaravaŭ.
Dva mieniedžary časta sutykalisia ŭ pracoŭnych spravach, a taksama ŭ momanty adpačynku. Ludzi raskazvali «Našaj Nivie», što Babaryka ź Miaškovym nieadnojčy arhanizoŭvali adpačynak topam «Hazprama» ŭ Biełaviežskaj puščy.
«Adnosiny ŭ ich byli narmalnyja.
Na maju dumku, Babaryka, nakolki ja Babaryku viedaju, sam pryniaŭ samaje hałoŭnaje rašeńnie ŭ svaim žyćci. Ale i toje, što pry hetym jon moh spytać mierkavańnie Miaškova, taksama nielha vyklučać, — skazaŭ «Našaj Nivie» adzin ź biełaruskich bankiraŭ.
— Miaškoŭ ža — heta pradstaŭnik tych upłyvovych kołaŭ u Rasii, jakija na duch nie pieranosiać Łukašenku, bo nie ličać jaho roŭnym sabie».
Vypadkovaść ci nie, ale z momantu vybaraŭ 2020 hoda Alaksandr Miaškoŭ, jaki rehularna da taho pryjazdžaŭ u Brest na dni narodzinaŭ svajakoŭ, a taksama kab pravieryć spravy handbolnaha kłuba, pierastaŭ źjaŭlacca ŭ Biełarusi.
«Spravy handbolnaha kłuba ŭ finansavym płanie taksama pajšli nie vielmi. Nakolki mnie viadoma, finansavańnie pa ŭsich linijach tam vielmi skaraciłasia, što ŭskosna mahło śviedčyć pra niejkuju kryŭdu Łukašenki na Miaškova. Suviaź z 2020-m dla mianie tut niesumniennaja. Jon, jak minimum, nie zmoh adhavaryć svajho mieniedžara ad palityčnaha vystupleńnia», — dadaje naš surazmoviec.
Ale niešta źmianiłasia. Jak viadoma «Našaj Nivie», nie bolš jak miesiac tamu Alaksandr Miaškoŭ, narešcie, źjaviŭsia ŭ Biełarusi na karotki čas.
Paralelna z hetym u Biełarusi razhortvajecca «sprava «Hazpram transhaza».
Trahikamiedyja na budoŭli «Hazpram-Centra»: abstalavańnie na $20 miljonaŭ sapsavałasia
Krynicy: «Hazpram transhaz Biełaruś» kančatkova prajhraŭ sierbam sud na $30 miljonaŭ
«Naša Niva» — bastyjon biełaruščyny
PADTRYMAĆ-
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
-
«Interjery z Pinterest» i «ceny jak u Vieniecyi». U Hrodnie na miescy źniesienaha histaryčnaha budynka adkryli daraženny bucik-hatel
-
«Mianie vielmi mocna niepakoić, čyjo jano». Historyja biełarusa, jakomu ŭ Polščy pierasadzili novaje serca
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary