Vizavy centr Litvy całkam prypyniŭ pryjom dakumientaŭ u Minsku na nacyjanalnyja vizy. Što dalej?
Na sajcie vizavaha centra VFS Global paviedamlajecca, što z 29 červienia Litoŭski vizavy centr spyniaje pryjom dakumientaŭ u Biełarusi na nacyjanalnyja vizy. Čamu tak adbyvajecca i jak biełarusy zmohuć patrapić u Litvu?
Litoŭskaja viza ŭ Biełarusi — usio?
Raniej vizavy centr Litvy prypyniŭ pryjom dakumientaŭ u Biełarusi na nacyjanalnyja vizy pa rabočych pryčynach. U Minsku heta adbyłosia z 15 červienia, a va ŭsich inšych haradach — z 14 červienia.
Prypynieńnie pryjomu dakumientaŭ na vizu pa ŭsich inšych padstavach zapłanavana adbyłosia 28-29 červienia.
Zaraz atrymać litoŭskuju nacyjanalnuju vizu možna budzie niepasredna na terytoryi Litvy abo ŭ niekatorych inšych krainach (naprykład, u Hruzii i Armienii).
Z čym źviazanyja hetyja źmieny?
Reč u tym, što z 1 lipienia ŭ Litvie nabyvajuć moc źmieny ŭ zakon «Ab pravavym statusie inšaziemcaŭ». Ad hetaj daty zamiežniki, jakija nie znachodziacca ŭ Litvie, buduć źviartacca pa nacyjanalnyja vizy tolki praź źniešniaha pastaŭščyka pasłuh, abranaha Departamientam mihracyi. Da hetaha času takija zajavy prymalisia litoŭskimi dypłamatyčnymi pradstaŭnictvami, konsulskimi ŭstanovami abo vizavymi centrami za miažoj, vyznačanymi Ministerstvam zamiežnych spraŭ.
Z 1 lipienia ŭsie zajavy na vydaču nacyjanalnych viz pavinny buduć padavacca praz MIGRIS — na veb-sajcie migracija.lt.
Na sajcie Departamienta mihracyi Ministerstva ŭnutranych spraŭ Litoŭskaj Respubliki možna pračytać padrabiaznuju infarmacyju, kamu i jak buduć vydavać litoŭskija nacyjanalnyja vizy.
Siarod važnych źmien možna adznačyć, što zaraz peŭnaj katehoryi asob zamiest nacyjanalnaj vizy buduć vydavać časovy dazvoł na žycharstva. Zamiežniki, jakija traplajuć u śpis tych, kamu nie buduć vydavać nacyjanalnyja vizy, pavinny buduć padać zajavu na atrymańnie časovaha dazvołu na žycharstva ŭ Litvie, kab lehalna ŭjechać u krainu i zastacca ŭ joj.
Časovy dazvoł na žycharstva možna atrymać nie tolki ŭ Litvie, pa prybyćci ŭ Mihracyjny departamient, ale i ŭ 34 centrach kampanii VFS Global, jakija dziejničajuć u zamiežnych krainach, dzie vyšejzhadanyja pasłuhi akazvajucca z pačatku hetaha hoda. (Biełarusi, prynamsi, pakul u hetym śpisie niama). Ale ŭ im jość Hruzija i Armienija, kudy biełarusy mohuć trapić bieź vizy.
Kab padać dakumienty ŭ samoj Litvie, treba budzie mieć vizu luboj inšaj krainy ES.
«Pačynali zimoj, a trapili ŭ vizavy centr tolki ŭ mai». Dzie tańniej atrymać vizu ŭ Jeŭropu?
-
Blizkija 74‑hadovaha śviatara, jaki zahinuŭ na trasie pad Fanipalem, kažuć, što jon nie pierabiahaŭ darohu, a ratavaŭ paranienaha sabaku
-
«Jaho ŭłasnyja dzieci adpraŭlalisia ŭ HDR». Suzasnavalnica fondu «Dzieciam Čarnobyla» pra toje, čamu jaho nie lubiŭ Łukašenka
-
«Užo ŭ SIZA». Za žachlivy padziež cialat na Homielščynie aryštavali kiraŭnika haspadarki
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary