Mižnarodnuju baksiorskuju asacyjacyju, jakaja dazvoliła biełaruskim spartsmienam vystupać pad dziaržaŭnaj simvolikaj, vyklučyli z alimpijskaha ruchu
Mižnarodny alimpijski kamitet adklikaŭ svajo pryznańnie IBA — kiroŭnaha orhana amatarskaha boksa. Pry hetym u MAK zajavili, što boks usio adno ŭklučać u prahramu Hulniaŭ 2024 i 2028 hadoŭ u Paryžy i Łos-Andželesie, jak piša «Radyjo Svaboda».
Vykanaŭčaja rada MAK prahałasavała 69 hałasami suprać 1 za vyklučeńnie Mižnarodnaj baksiorskaj asacyjacyi (IBA) z Alimpijskaha ruchu. 10 siabroŭ rady ŭstrymalisia.
Sprečka MAK z IBA, na čale jakoj Umar Kramloŭ z Rasii, prachodzić užo čatyry hady. U 2019 hodzie MAK prypyniła pryznańnie baksiorskaj asacyjacyi praz šmatlikija karupcyjnyja skandały. Taksama asacyjacyja dazvalała ŭdzieł rasijskich i biełaruskich spartsmienaŭ u bajach pad dziaržaŭnaj simvolikaj.
«MAK pastajanna i ciarpliva sprabavaŭ dapamahčy ŭ niekalkich prablemnych śfierach. Revalucyjnych źmienaŭ za hetyja hady nie adbyłosia. Heta situacyja, ź jakoj niama viartańnia», — zajaviŭ hienieralny dyrektar MAK Krystaf De Kieper na siesii MAK u Łazanie.
Rašeńnie ab udziele rasijskich i biełaruskich spartsmienaŭ u paryžskaj Alimpijadzie 2024 hoda pakul nie pryniali, jaho niekalki razoŭ adkładali. I hetym razam pres-sakratar arhanizacyi Mark Adams paśla pasiadžeńnia Vykanaŭčaha kamiteta MAK u Łazanie vykazaŭsia na hetuju temu abciakalna:
«My skazali, što prymiem rašeńnie, kali pryjdzie čas. Dumaju, treba pahladzieć, jak raźvivajucca padziei. Ja nie mahu pakazać terminy».
Alimpijada ŭ Paryžy maje pačacca 26 lipienia 2024 hoda.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary