«PVK «Vahnier» bolš nie isnuje». Padalak prakamientavaŭ raźmiaščeńnie vahnieraŭcaŭ u Biełarusi
Pa infarmacyi daradcy kiraŭnika Ofisa prezidenta Ukrainy, «Vahnier» budzie padzieleny na čatyry častki i bolšaść najmitaŭ budzie całkam adchilena ad udziełu ŭ vajnie.
PVK «Vahnier» spynić svajo isnavańnie ŭ raniejšym vyhladzie i budzie razdrobniena rasijskimi ŭładami na niekalki častak. Takim mierkavańniem 29 červienia padzialiŭsia daradca kiraŭnika Ofisa prezidenta Ukrainy Michaił Padalak padčas intervju na kanale «1+1».
Pavodle jaho słoŭ, tolki nievialikaja kolkaść vahnieraŭcaŭ budzie pierakinuta ŭ Biełaruś, i jana nijak nie budzie pahražać Ukrainie z paŭnočnaha kirunku, bo budzie zajmacca vyklučna navučańniem biełaruskich siłavikoŭ i vajskoŭcaŭ.
Sam «Vahnier» pry hetym zbolšaha adydzie pad pramy kantrol rasijskich uładaŭ.
«Najaŭnaść Pryhožyna ŭ Biełarusi nie maje nijakaha sensu, bo PVK «Vahnier» bolš nie isnuje. Jaho kampanija budzie padzielena na čatyry častki: pieršaja i druhaja ŭ asobie peŭnaha pracenta radavych vahnieraŭcaŭ i vyzvalenych zekaŭ piarojdzie pad kantrol Minabarony Rasii, treciaja častka padpiša kantrakty z Rashvardyjaj, a čaćviortaja adpravicca ŭ Biełaruś dla navučańnia miascovych śpiecnazaŭcaŭ i viadzieńnia spraŭ u Afrycy», — zajaviŭ Michaił Padalak.
Nahadajem, što paśla zakančeńnia miaciažu ŭ Rasii Pucin prapanavaŭ PVK «Vahnier» razam ź jaho kiraŭnikom Jaŭhienam Pryhožynym pierajechać u Biełaruś. Viadoma, što pad Asipovičami staviać vajskovy łahier, ale dla kaho — infarmacyi niama.
U Biełym domie prakamientavali, ci byŭ miaciež «Vahniera» tolki prykryćciom dla jaho pierajezdu ŭ Biełaruś
Instruktar «Vahniera» z pazyŭnym «Brest»: Biełaruś — taki ž kirunak, jak i inšyja. A my spatrebimsia pierad vybarami
«Jamu vielmi strašna, tamu hety dziŭny bliźniuk Miadźviedzieva praciahvaje hulać u hetuju hulniu». Padalak prakamientavaŭ jadziernyja pahrozy Łukašenki
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary