«Chto choča, zmoža pajści i ŭ Biełaruś». Pucin vystupiŭ sa zvarotam
Uładzimir Pucin vystupiŭ ź niečakanym viačernim zvarotam. Dźmitryj Piaskoŭ anansavaŭ niezadoŭha da vystupleńnia zvarot prezidenta Rasii z «šeraham važnych zajaŭ», ale chto hetaha sapraŭdy čakaŭ, byŭ jaŭna rasčaravany.
Vystupleńnie Pucina zaniało ŭsiaho krychu bolš za piać chvilin i było całkam pryśviečanaje niadaŭniamu miaciažu PVK «Vahnier» na čale ź Jaŭhienam Pryhožynym.
Pucin padziakavaŭ hramadzianam Rasii «za vytrymku, zhurtavanaść i patryjatyzm». Maŭlaŭ, «hramadzianskaja salidarnaść pakazała, što luby šantaž, sproby zładzić unutranuju smutu asudžanyja na pravał».
Pavodle Pucina, miaciež «vahnieraŭcaŭ» byŭ by pa-lubomu zadušany, i jaho arhanizatary nie mahli hetaha nie razumieć. Adnak usio adno, «zdradziŭšy svajoj krainie, svajmu narodu, zdradzili i tym, kaho ŭciahnuli ŭ złačynstva». Paśla hetaha jon skazaŭ na adras hetych arhanizataraŭ jašče niekalki hnieŭnych asudžalnych skazaŭ, a paśla padziakavaŭ «usim našym vajskoŭcam, supracoŭnikam pravaachoŭnych orhanaŭ, śpiecyjalnych słužbaŭ, jakija stali na šlachu ŭ miaciežnikaŭ, zachavali viernaść abaviazku, prysiazie i svajmu narodu».
Asobna jon uspomniŭ pra zahinułych u chodzie miaciažu lotčykaŭ, jakija «źbierahli Rasiju ad trahičnych razburalnych nastupstvaŭ». U toj ža čas «pieravažnaja bolšaść bajcoŭ i kamandziraŭ hrupy «Vahnier» dla Pucina «taksama patryjoty Rasii, addanyja svajmu narodu i dziaržavie», jakich padmanuli. Tamu i «rabilisia kroki, kab paźbiehnuć vialikaj kryvi».
Urešcie Pucin padziakavaŭ «tym sałdatam i kamandziram hrupy «Vahnier», jakija pryniali adzina pravilnaje rašeńnie i nie pajšli na bratazabojčaje krovapralićcie, spynilisia kala apošniaj rysy», i
prapanavaŭ im try varyjanty nastupnych dziejańniaŭ: zaklučyć kantrakt ź Ministerstvam abarony ci inšymi siłavymi orhanami, viarnucca «da svaich rodnych i blizkich» ci «pajści i ŭ Biełaruś».
U kancy Pucin uspomniŭ pra Łukašenku i padziakavaŭ jamu «za jahonyja namahańni i ŭniosak u mirnaje vyrašeńnie situacyi».
Charakterna, što proźvišča Jaŭhiena Pryhožyna padčas hetaha vystupleńnia nie było zhadana nivodnaha razu.
Ci moža Pryhožyn pierabazavacca ŭ Afryku? Voś što ŭjaŭlaje saboj afrykanskaja sietka PVK «Vahnier»
Pryhožyn uspłyŭ z novym aŭdyjapaviedamleńniem. Zhadaŭ i Łukašenku
Rasijskija miedyja zajavili, što ŭ Biełarusi pačali budavać łahiery dla raźmiaščeńnia «vahnieraŭcaŭ». Ale «Biełaruski Hajun» nie paćviardžaje
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi17
Kamientary