NASA pierapracoŭvaje 98 adsotkaŭ mačy astranaŭtaŭ na MKS u pitnuju vadu
Pot taksama. I heta vialikaja sprava dla budučych misij za miežy Ziamli.
NASA dasiahnuła technałahičnaj viachi, jakaja adnojčy moža adyhrać važnuju rolu ŭ misijach na Miesiac i dalej. U kancy červienia kaśmičnaje ahienctva paviedamiła, što sistema kantrolu navakolnaha asiarodździa i žyćciezabieśpiačeńnia Mižnarodnaj kaśmičnaj stancyi (ECLSS) pierapracoŭvaje 98% usioj vady, jakuju astranaŭty biaruć na bort stancyi. Adna častka ECLSS vykarystoŭvaje «ŭdaskanalenyja asušalniki» dla ŭłoŭlivańnia vilhaci, jakaja ŭtvarajecca pry dychańni ekipaža i vyłučajecca z potam pry vykanańni štodzionnych zadač.
Inšaja padsistema adnaŭlaje maču z dapamohaj vakuumnaj dystylacyi. U pracesie dystylacyi vydzialajecca niepasredna vada, a taksama salany rastvor z mačy. Na hety salany rastvor i byli skiravanyja apošnija vysiłki kaśmičnaha ahienctva, jakoje niadaŭna pačało testavać novuju pryładu, što moža zdabyvać vadu z hetaha rastvoru. I jakraz dziakujučy hetaj sistemie NASA zmahła damahčysia 98-adsotkavaha ŭzroŭniu adnaŭleńnia vady na MKS. Raniej stancyja pierapracoŭvała kala 93—94%, jak raskazvaje Engaget.
«Heta vielmi važny krok napierad u evalucyi sistem žyćciezabieśpiačeńnia», — skazaŭ Krystafier Braŭn z NASA, jaki ŭvachodzić u hrupu, što kiruje sistemami žyćciezabieśpiačeńnia Mižnarodnaj kaśmičnaj stancyi. Ciapier, naprykład, z umoŭnych 100 litraŭ vady na stancyi astranaŭty hublajuć 2 litry, a astatnija 98 praciahvajuć krucicca i krucicca, jak tłumačać u Ahienctvie. Tam nazyvajuć heta «davoli krutym dasiahnieńniem».
Kali ad dumki, što niechta inšy pje svaju maču, vam robicca młosna — nie chvalujciesia. «Apracoŭka pa sutnaści padobnaja da niekatorych naziemnych sistem raźmierkavańnia vady, tolki robicca heta va ŭmovach mikrahravitacyi, — skazała Džył Uiljamsan, mieniedžarka vodnych padsistem NASA ECLSS. — Ekipaž pje nie maču; jany pjuć vadu, jakuju adnavili, adfiltravali i ačyścili tak, što jana čyściejšaja za tuju, jakuju my pjom tut, na Ziamli».
Pa słovach Uiljamsan, takija sistemy, jak ECLSS, buduć mieć vyrašalnaje značeńnie dla misij za miežami ziamnoj arbity. «Čym mienš vady i kisłarodu my pavinny zahružać na bort, tym bolš navukovych prystasavańniaŭ možna dadać da rakiety-nośbita, — kaža Uiljamsan. — Nadziejnyja, tryvałyja rehienieratyŭnyja sistemy aznačajuć, što ekipaž nie pavinien pra heta turbavacca i moža zasiarodzicca na sapraŭdnaj mecie svajoj misii».
Čytajcie jašče:
Pahladzicie na piakielnuju «pryładu dezaryjentacyi», z dapamohaj jakoj rychtujuć astranaŭtaŭ NASA
Navukoŭcy NASA zdabyli kisłarod ź imitacyi miesiacovaha hruntu
4G-internet pavinien źjavicca na Miesiacy da kanca hetaha hoda
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary