Hramadstva11

«Raniej machlary pradstaŭlalisia supracoŭnikami bankaŭ, a ciapier možna śpiekulavać na temie palitźniavolenych». Jak ašukancy sprabujuć zarablać na ludskich pakutach

Saša Źvierava, byłaja dziaŭčyna palitviaźnia Eduarda Babaryki, apisała ŭ instahramie situacyju, ź jakoj sutyknułasia padčas niadaŭniaha suda nad Eduardam. Joj «davieranyja asoby» nastojliva pierasyłali listy nibyta ad imia Eduarda, a ŭ ich apaviadałasia, jak možna pazityŭna źmianić los źniavolenaha. Naturalna, nie za prosta tak.

Saša Źvierava i Eduard Babaryka niekalki hadoŭ tamu. Fota: Tut.by

Situacyja heta, pavodle Źvieravaj, nastupnaja: «vam pišuć «davieranyja» asoby, jakija tłumačać, što treba zrabić dla ich vyzvaleńnia».

Pry hetym jany niejkim čynam zdabyvajuć niejkija intymnyja padrabiaznaści, zhadki pra jakija ŭ paviedamleńni mohuć śviedčyć pra toje, što list sapraŭdy pisaŭ sam Eduard.

«Vielmi asabistyja rečy vy mahli ahučyć i zabycca, ci jany i ŭvohule buduć u adkrytym dostupie, staryja fatahrafii, sumiesnyja pasty — usio heta ŭ dapamohu», — kaža Źvierava.

Adzin ź listoŭ, atrymanych Źvieravaj užo paśla vyniasieńnia Eduardu Babaryku drakonaŭskaha prysudu — 8 hadoŭ pazbaŭleńnia voli

Nielha skazać, što lehienda machlaroŭ biezdakornaja, u takich pasłańniach moža być tysiača niestykovak, jak adznačaje Źvierava. Ale heta pieramahajecca tym, što niaščasnyja ludzi chočuć vieryć choć by ŭ niešta, tamu na hetyja niestykoŭki zapluščvajuć vočy, nie dajuć samim sabie ŭklučać krytyčnaje myśleńnie.

«Kali havorka idzie pra čałavieka, čyja svaboda dla vas važniejšaja za ŭłasnuju, abo akiej, davajcie biez maksimalizmu, jana dla vas davoli važnaja, vy navat kali i źvierniecie ŭvahu na čužuju manieru i inšyja nietraplańni, to ŭsio roŭna začepiciesia za toje, u što chočacie vieryć», — praciahvaje jana.

Ludziam chočacca spadziavacca, što prablema nie tupikovaja, što jaje možna vyrašyć. I za hetuju iluzornuju sałominku čaplajucca navat nasupierak zdarovamu sensu.

«Spadziavacca, što ŭ hetym vypadku niešta mohuć vyrašyć hrošy — spakuśliva, ale na žal…» — piša dziaŭčyna.

Źvierava, pa jaje słovach, atrymlivała takija listy ciaham usiaho suda nad Eduardam Babarykam i praciahvaje atrymlivać ich navat ciapier, kali ŭsio skončyłasia. Prytym jana pryznaje:

«Ja vydatna razumieła, što heta łuchta i tryźnieńnie, ale, paŭtaru, u takich situacyjach vielmi chočacca vieryć u toje, što moža być rašeńnie — luboje. Ašukancy hetym karystajucca».

Nie paddaŭšysia nacisku «biznesmienaŭ» sama, dziaŭčyna padzialiłasia dośviedam u sacsietkach dla taho, kab inšyja ludzi

  • byli ŭvažlivyja, kali vašy rodnyja nie na voli i z vami taksama «źviazalisia»;

  • pa mahčymaści padzialilisia hetaj infarmacyjaj ci ŭ sacsietkach, kali sami nie ŭ Biełarusi, ci ź blizkimi ŭ Biełarusi, kali ludzi tam. Bo heta, na žal, moža być dla mnohich aktualna.

«Raniej ašukancy pradstaŭlalisia supracoŭnikami bankaŭ, łamali akaŭnty, a dyktatura dadała opcyj: ciapier možna śpiekulavać na temie palityčnych źniavolenych», — kanstatuje Źvierava.

Čytajcie taksama:

Aleś Puškin: chto hety hienijalny mastak i palitviazień, što zhinuŭ u źniavoleńni

«Heta prysud za baćku, pra jakoha Eduard ničoha nie čuŭ z 26 krasavika». Cichanoŭskaja prakamientavała siońniašni prysud Babaryku

Saša Źvierava: My z Eduardam Babarykam bolš nie razam

Kamientary1

  • Common sense
    11.07.2023
    Jeśli by Babarykie nužny byli dieńhi,to on by takije piśma v Hazprom pisał,a nie niŝiej Źvierievoj.

Ciapier čytajuć

Hurt «Drazdy» pakidaje scenu i vinavacić u hetym «hipieraktyŭnych błohieraŭ»5

Hurt «Drazdy» pakidaje scenu i vinavacić u hetym «hipieraktyŭnych błohieraŭ»

Usie naviny →
Usie naviny

Ukraina atakavała vajskovy zavod u Čuvašyi1

Ci možna jeści prarosłuju bulbu, cybulu i časnok?3

Dypłamatyčny daradca Cichanoŭskaj raskazaŭ, navošta jamu zvaniŭ Borys Džonsan4

DAI budzie vykarystoŭvać novyja kamiery ŭ Minsku — dla kantrolu spynieńnia i stajanki1

Minskuju Sierabranku čakajuć maštabnyja źmieny3

Eks-palitviazień raskazaŭ, jak atrymaŭ mikrainfarkt padčas suda1

Mužčynu zabiła małanka ŭ Stolinskim rajonie

«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA19

Izrail pierachapiŭ sudna z Hretaj Tunbierh, jakoje išło ŭ Hazu6

bolš čytanych navin
bolš łajkanych navin

Hurt «Drazdy» pakidaje scenu i vinavacić u hetym «hipieraktyŭnych błohieraŭ»5

Hurt «Drazdy» pakidaje scenu i vinavacić u hetym «hipieraktyŭnych błohieraŭ»

Hałoŭnaje
Usie naviny →

Zaŭvaha:

 

 

 

 

Zakryć Paviedamić