U roznych haradach Jeŭropy adbylisia akcyi pamiaci Alesia Puškina FOTY
Daviedaŭšysia siońnia pra toje, što ŭ hrodzienskaj turmie zakatavali jašče adnaho palitviaźnia, mastaka Alesia Puškina, biełarusy z roznych haradoŭ Jeŭropy vyjšli ŭšanavać jaho pamiać i vykazać svoj pratest. U bolšaści vypadkaŭ akcyi prajšli kala dypłamatyčnych pradstaŭnictvaŭ łukašenkaŭskaha režymu.
Vilnia, Litva
Bierlin, Hiermanija
Varšava, Polšča
Biełastok, Polšča
Uviečary ŭ skvier Volnaj Biełarusi da biełaruskaha konsulstva pryjšli da paŭsotni čałaviek z partretami mastaka, inšych palitviaźniaŭ, bieł-čyrvona-biełymi ściahami. Pamianuli Alesia Puškina chvilinaj maŭčańnia.
«My chočam pakazać, što ŭ nas vialikaja złość, što ŭ Biełarusi zabivajuć talenavitych ludziej. Tysiačy palitviaźniaŭ siadziać za kratami. Niadaŭna ŭ nas tut była akcyja ŭ pamiać pa Vitoldu Ašurku, a ciapier pa Alesiu Puškinie. Režym robić usio, kab biełaruskaj nacyi nie isnavała. Nas katujuć u turmach, našu movu źniščajuć, ale biełarusy žyvuć i nie zdajucca», — skazaŭ adzin z arhanizataraŭ akcyi Jan Abadoŭski.
Abadoŭski adznačaje, što biełarusy ŭ emihracyi — heta hołas biełarusaŭ, jakija zastajucca ŭ Biełarusi, «jakija, na žal, nie mohuć vyjści, jak my tut, z pratestam, bo trapiać za kraty. Budziem zmahacca za ich, pakul nie pieramožam».
Vystupoŭcy kazali, što ich pierapaŭniaje nianaviść da tych, chto zabivaje biełarusaŭ. «My majem prava na takija pačućci. Majem prava nienavidzieć hetych ludziej: kanvairaŭ, sudździaŭ», — pramaŭlała adna z udzielnic akcyi.
Akcyja doŭžyłasia hadzinu i prajšła bieź incydentaŭ. Za paradkam sačyli palicyjanty.
Poznań, Polšča
Krakaŭ, Polšča
Biełarusy Krakava vyjšli ŭ centr horada.
Aleś Puškin: chto hety hienijalny mastak i palitviazień, što zhinuŭ u źniavoleńni
«A tiepieŕ davajtie jeŝie raz, na normalnom jazykie». Što adbyvałasia z Alesiem Puškinym za kratami
Puškina pryvieźli ŭ balnicu nieprytomnym — «Radyjo Svaboda»
«Jaho tvorčaść była ŭvasableńniem niazłomnaha duchu biełaruskaha naroda» — Cichanoŭskaja pra Puškina
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas16
Kamientary