Na suśvietna viadomy Burning Man upieršyniu pajeduć dźvie biełaruskija mastački
U pustyniu Błek-Rok u Nievadzie, dzie ładzicca z kanca 80-ch Burning Man, Maryja Tarleckaja pryviazie skulpturu «Pacałavać siabie ŭ lusterku možna tolki ŭ vusny», a Hanna Silivončyk — instalacyju «Kamuflaž», piša «Budźma».
Pracy Hanny Silivončyk u mai minułaha hoda pa palityčnych matyvach źniali z ekspazicyi ŭ Minsku. «Z-za taho, što ŭ Biełarusi ja zabaronienaja mastačka, davodzicca šukać inšyja mahčymaści raźvićcia, što składana i technična, i finansava»,— piša ŭ Facebook Hanna Silivončyk. Tvorcu možna padtrymać, kupiŭšy jaje pracy, knihi ci nabory paštovak.
«Maskiroŭka, mimikryja… Kamuflaž, jaki zvyčajna vykarystoŭvajecca čałaviekam padčas palavańnia ci vajny, vystupaje tut u zusim inšaj roli: jak sposab nie prosta schavacca, vizualna źlicca z łandšaftam, a jak mažlivaść prymierać na siabie vobraz, rysy i jakaści inšaha», — tak charaktaryzuje svaju pracu Hanna Silivončyk.
Pavodle mastački, instalacyja vizualizuje tuhu pa idealnym śviecie, dzie čałaviek nie imkniecca supraćpastavić siabie pryrodzie, a adčuvaje jaje sercabićcie i dychaje ź joj va ŭnison.
U kamandu mastakoŭ, jakija pajeduć na fest, što źbiraje štohod pad 80 tysiač čałaviek, taksama ŭklučana mastačka Maryja Tarleckaja, viadomaja svaimi pracami ź mietału.
Skulptura «Pacałavać siabie ŭ lusterku možna tolki ŭ vusny» pra toje, jak palubić sapraŭdnuju viersiju siabie. U sabranym vyhladzie jana siahaje 2,4 mietra ŭ vyšyniu i 3,5 mietra ŭ šyryniu.
Da Sietła mastačka viezła skulpturu ŭ čamadanie ŭ razabranym i niapoŭnym vyhladzie: častku detalaŭ płanavałasia kupić na miescy, a potym pieravieźci praz usie Štaty da miesca praviadzieńnia festu.
-
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj
-
U Mahilovie adkryli šyldu hubiernataru Dembavieckamu. Datu śmierci jamu napisali na hady raniejšuju za sprobu ŭciačy z Savieckaj Rasii
-
U Zasłaŭi nad ruinami bramy XVI stahodździa pabudujuć navies. Što viadoma pra ŭnikalny abjekt i čamu prapanavany prajekt — biessensoŭny i škodny
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary