Jeŭrapiejskija dypłamaty pryjšli da budynka suda, dzie razhladali spravu palitviaźniaŭ
19 lipienia pradstaŭnik ambasady Hiermanii ŭ Biełarusi, a taksama supracoŭniki dyppradstaŭnictvaŭ inšych krain pryjšli da budynka suda Leninskaha rajona Minska, dzie pačali razhladać spravu palitviaźniaŭ Valeryi i Dźmitryja Bajarovičaŭ. Takim čynam jany vykazali ź imi salidarnaść.
Pres-słužba ambasady Hiermanii adznačaje, što Bajarovičy «karystalisia svaimi pravami na svabodu schodaŭ i svabodu słova», a abvinavačańni suprać ich «niespraviadlivyja i majuć palityčnyja matyvy». Ich sudziać za ŭdzieł u paślavybarčych pratestach. Padkreślivajecca, što fiederalny ŭrad Hiermanii patrabuje vyzvaleńnia palitźniavolenych u Biełarusi.
Dźmitryj Bajarovič raniej pracavaŭ na dziaržaŭnym telekanale STB, ale ŭ 2020-m zvolniŭsia ŭ znak pratestu suprać hvałtu ŭ dačynieńni da ŭdzielnikaŭ mirnych akcyj. Jaho zatrymali razam z žonkaj sioleta ŭ sakaviku.
Biełaruskija pravaabaroncy pryznali Dźmitryja i Valeryju Bajarovičaŭ palitviaźniami.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary