Z 25 lipienia źmianiajecca valuta raźlikaŭ Pryjorbanka ź mižnarodnaj apłatnaj sistemaj Visa. Ciapier zamiest dalara raźliki pryviažuć da jeŭra, paviedamili ŭ banku.
Klijentaŭ banka hetyja źmieny zakranuć, kali valuta płaciažu budzie adroźnivacca ad valuty rachunku, u jakim vypuščanaja karta. Naprykład, kali ludzi buduć raźličvacca rublovaj kartkaj u Jeŭropie, to sumu płaciažu ŭ jeŭra adrazu pieraličać u rubli pa kursie banka.
Raniej płaciež byŭ by pieraličany ź jeŭra ŭ dalar i z dalara ŭ rubli.
U jeŭra buduć pieraličvacca płaciažy jak pa apieracyjach pa-za miežami Biełarusi (u tym liku ŭ internet-kramach), tak i ŭ Biełarusi, kali jany robiacca ŭ pryładach inšych bankaŭ u zamiežnaj valucie.
Raniej mnohija biełaruskija banki pamianiali valutu raźliku pa kartach z dalara i jeŭra na juań.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary