«Usio pra biełaruskuju litaraturu». Źjaviŭsia litaraturny internet-partał z ambitnaj metaj
Pačaŭ pracu novy litaraturny partał bellit.info, jaki stavić ambitnuju zadaču — sabrać «usio pra biełaruskuju litaraturu», piša «Novy čas».
Resurs bellit.info paŭstaŭ ź inicyjatyvy Mižnarodnaha sajuza biełaruskich piśmieńnikaŭ i budzie źmiaščać aktualnuju infarmacyju pra padziei ŭ litaraturnym śviecie, farmavać virtualnuju encykłapiedyju biełaruskaj litaratury.
Aŭtary prajekta tak bačać svaju misiju:
«Pišam pra litaraturu ŭ Biełarusi i pa-za jaje miežami, paviedamlajem pra navinki vydaviectvaŭ, akumulujem najaŭnuju infarmacyju pra biełaruskich litarataraŭ biezadnosna da ŭzrostu i času naradžeńnia, movu i styl piśma (bijahrafistyku, niekrapalistyku, archiŭnyja danyja), źbirajem źviestki pra litaraturnuju pieryjodyku, vydaviectvy, anłajn-prajekty, u tym liku aŭdyjavizualnyja, i bazu ekranizacyj litaraturnych tvoraŭ. Usie hetyja baki litaraturnaha žyćcia buduć adlustroŭvacca ŭ adpaviednych raździełach: «Piersanalii», «Biblijateka», «Miedyja», «Aŭdyja», «Videa», «Archiŭ», «Niekropal».
«Biezumoŭna, my budziem havaryć i pra litaraturu inšych krain, kab mieć mahčymaść razhladać biełaruskaje słova ŭ šyrejšaj pierśpiektyvie, ale najpierš pryśviecim našu pracu svajoj litaratury», — havorycca ŭ prezientacyjnym pres-relizie prajekta.
Mižnarodny sajuz biełaruskich piśmieńnikaŭ — niedziaržaŭnaja niekamiercyjnaja arhanizacyja, zasnavanaja ŭ 2022 hodzie ŭ Vilni. Mety arhanizacyi — pašyreńnie prastory biełaruskaj litaratury ŭ śviecie, infarmavańnie biełaruskich litarataraŭ i hramadskaści, abarona aŭtarskaha prava, arhanizacyja litaraturnych mierapryjemstvaŭ, adukacyjnych prajektaŭ u śfiery litaratury i litaraturaznaŭstva jak u Biełarusi, tak i pa-za jaje miežami.
Arhanizacyja paŭstała ź inicyjatyvy piśmieńnika i pierakładčyka Dźmitryja Płaksa.
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma8
Kamientary