Łukašenka vypisaŭ svajmu małodšamu synu stypiendyju jak «talenavitamu studentu»
Na sajcie Łukašenki źjaviŭsia pieralik talenavitych vučniaŭ, studentaŭ i ich vykładčykaŭ, jakim naležać razavyja vypłaty abo stypiendyi. Siarod hetych ludziej znajšoŭsia i poŭny ciozka małodšaha syna Łukašenki, jakomu za podpisam baćki zaraz naležyć padvyšanaja stypiendyja.
«Pryznačyć stypiendyi prezidenta Respubliki Biełaruś na druhi siemiestr 2022/2023 navučalnaha hoda pamieram 186,97 rubla štomiesiačna studentam, kursantam, […]», — havorycca ŭ tym raździele apublikavanaha na sajcie Łukašenki dakumienta, u jakim nazyvajecca student pieršaha kursa BDU Łukašenka Mikałaj Alaksandravič.
Uzrost i miesca vučoby hetaha Mikałaja supadajuć ź viadomymi faktami pra małodšaha syna Łukašenki, jaki skončyŭ pieršy hod vučoby na bijafaku BDU.
Čytajcie taksama: Mikałaj Łukašenka vyvučaje bijatechnałohii ŭ ramkach prajekta z Kitajem
Mikałaj Łukašenka naŭrad ci rašycca admovicca ad baćkavaj stypiendyi. Dla takoha treba była b niemałaja śmiełaść. Tak, 22-hadovuju śpiavačku Patrycyju Śvicinu, jakaja admoviłasia ad łukašenkaŭskaj premii dla talenavitaj moładzi, pačnuć sudzić 1 žniŭnia. Jaje abvinavacili ŭ patrabavańni svabodnych vybaraŭ i asudžeńni vajny va Ukrainie.
Mikałaj Łukašenka praciahvaje supravadžać tatu ŭ jaho pajezdkach. Apošni raz heta zdaryłasia z 22 da 25 lipienia, kali Łukašenka sustreŭsia z Pucinym u Sankt-Pieciarburhu, a paźniej jany pajechali ŭ pravasłaŭny manastyr na vostravie Vałaamie. Tam Kola z telefonam trapiŭ na videa: jon zdymaŭ Uładzimira Pucina i Alaksandra Łukašenku padčas ich ekskursii pa vostravie.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
Sprava ŭ tym, što śpiecfakultet BDU asabista pad Kolu stvaryli, niatannaje zamiežnaje abstalavańnie nabyli, ale chutka vyśvietliłasia, što vykładčykaŭ, jakija majuć kampietencyi dla pracy na hetym abstalavańni - niama :cry: