Siońnia stała viadoma, što Śviatłana Šeŭlik zaviaršaje pracu ŭ «A-100 Deviełapmient», a taksama vychodzić sa składu akcyjanieraŭ i naziralnaj rady kampanii, paviedamlaje Realt.by.
Śviatłana kaža, što rašeńnie ab sychodzie jana pryniała jašče dva hady tamu, tamu spantannym nazvać jaho nielha.
— Ja praviała ŭ «A-100 Deviełapmient» amal usio śviadomaje žyćcio i, dziakujučy toj svabodzie, jakuju mnie dali ŭłaśniki kampanii, zrabiła navat bolš, čym mahła maryć. Ja atrymała biascenny dośvied i hłybokija viedy ŭ deviełapmiencie, u stvareńni pa-sapraŭdnamu hodnych i prahresiŭnych žyłych kompleksaŭ, — padzialiłasia Śviatłana Šeŭlik. Jaje rašeńnie matyvavanaje žadańniem zajmacca novymi prajektami, u tym liku ŭłasnymi, — na biełaruskim i mižnarodnym rynkach.
Nahadajem, Śviatłana Šeŭlik bolš za 18 hadoŭ pracavała ŭ hrupie kampanij na roznych pazicyjach. U 2011 hodzie jana ŭznačaliła kampaniju i stała hienieralnym dyrektaram. Pad jaje kiravańniem stvaralisia i realizoŭvalisia takija žyłyja kompleksy, jak Novaja Baravaja, «Pirs», «Zialonaja Havań» i «Depo».
Akramia taho, za hetyja hady, u dadatak da asnoŭnaj dziejnaści ŭ śfiery deviełapmientu i žyłoj nieruchomaści, źjavilisia novyja biznes-napramki — kirujučaja kampanija «A-100 kamfort» i inavacyjny zavod «Sučasnych bietonnych kanstrukcyj».
— Nam udałosia źmianić rynak i ludziej, źmianić padychody da taho, jakim pavinien być sučasny horad i pa jakich praviłach pavinny dziejničać zabudoŭščyki. Ja vieru, što «A-100 Deviełapmient» praciahnie pracavać pa tych standartach, jakija ŭžo sfarmavanyja i za jakija nas palubili našy klijenty: vykanańnie abiacańniaŭ, sumlennaść, biezumoŭnaja jakaść, inavacyjnaść, imknieńnie davać ludziam bolš.
Načalnik milicyi Brahina stralaŭ u svaju žonku. Jana cudam vyžyła9
Kamientary
Dziakuj, Śviatłana i pośpiechaŭ! Spadziajusia, heta nie apošni Vaš prajekt i šmat čaho jašče atrymajecca zrabić dla płajapšeńnia našaj krainy i hramadstva.