Сёння стала вядома, што Святлана Шэўлік завяршае працу ў «А-100 Дэвелапмент», а таксама выходзіць са складу акцыянераў і назіральнай рады кампаніі, паведамляе Realt.by.
Святлана кажа, што рашэнне аб сыходзе яна прыняла яшчэ два гады таму, таму спантанным назваць яго нельга.
— Я правяла ў «А-100 Дэвелапмент» амаль усё свядомае жыццё і, дзякуючы той свабодзе, якую мне далі ўласнікі кампаніі, зрабіла нават больш, чым магла марыць. Я атрымала бясцэнны досвед і глыбокія веды ў дэвелапменце, у стварэнні па-сапраўднаму годных і прагрэсіўных жылых комплексаў, — падзялілася Святлана Шэўлік. Яе рашэнне матываванае жаданнем займацца новымі праектамі, у тым ліку ўласнымі, — на беларускім і міжнародным рынках.
Нагадаем, Святлана Шэўлік больш за 18 гадоў працавала ў групе кампаній на розных пазіцыях. У 2011 годзе яна ўзначаліла кампанію і стала генеральным дырэктарам. Пад яе кіраваннем ствараліся і рэалізоўваліся такія жылыя комплексы, як Новая Баравая, «Пірс», «Зялёная Гавань» і «Дэпо».
Акрамя таго, за гэтыя гады, у дадатак да асноўнай дзейнасці ў сферы дэвелапменту і жылой нерухомасці, з'явіліся новыя бізнэс-напрамкі — кіруючая кампанія «А-100 камфорт» і інавацыйны завод «Сучасных бетонных канструкцый».
— Нам удалося змяніць рынак і людзей, змяніць падыходы да таго, якім павінен быць сучасны горад і па якіх правілах павінны дзейнічаць забудоўшчыкі. Я веру, што «А-100 Дэвелапмент» працягне працаваць па тых стандартах, якія ўжо сфармаваныя і за якія нас палюбілі нашы кліенты: выкананне абяцанняў, сумленнасць, безумоўная якасць, інавацыйнасць, імкненне даваць людзям больш.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»5
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
Дзякуй, Святлана і поспехаў! Спадзяюся, гэта не апошні Ваш праект і шмат чаго яшчэ атрымаецца зрабіць для плаяпшэння нашай краіны і грамадства.