Palitviaźnia Arcioma Łatyšava pieraviali na turemny režym u Mahiloŭ
Pa infarmacyi Mayday team, 26 lipienia adbyŭsia sud pa źmienie Arciomu Łatyšavu režymu ŭtrymańnia. Palitviaźnia pieraviali na turemny režym i ŭžo etapavali ŭ mahiloŭskuju turmu № 4. Da pieravodu jaho ŭtrymlivali ŭ ŠIZA.
Arciom — žychar Viciebska, asudžany da 4,5 hadoŭ kałonii za pierformans na mahile z vyjavaj Łukašenki, a taksama za psavańnie banieraŭ z vyjavaj supracoŭnikaŭ DAI. U vieraśni 2022 hoda palitviaźnia etapavali ŭ babrujskuju kałoniju.
1 červienia Arcioma ŭ čaćviorty raz zapar źmiaścili ŭ štrafny izalatar. Dahetul jon prabyŭ tam 30 sutak, paśla čaho viarnuŭsia ŭ atrad. Pierad apošnim źmiaščeńniem u ŠIZA supracoŭniki kałonii zapatrabavali ad Łatyšava prybrać sanvuzieł, tym samym pasprabavaŭšy nadać jamu «nizki status», adnak mužčyna admoviŭsia. Heta, vierahodna, i stała pryčynaj nakiravańnia ŭ štrafny izalatar.
Kamientary