Za paŭhoda Litva vydała biełarusam amal 20 tysiač dazvołaŭ na žycharstva
Ad studzienia da lipienia 2023 hoda Departamient mihracyi Litvy vydaŭ zamiežnikam 86 372 časovyja dazvoły na žycharstva. Pakul heta samaja vialikaja kolkaść dazvołaŭ na žycharstva, vydadzienych u krainie za paŭhoda za apošnija 5 hadoŭ, piša Delfi.lt.
Bolšuju častku — 71 901 — vydali asobam, jakija źviartalisia pa dakumient pieršy raz, jašče 14 471 byŭ praciahnuty. U paraŭnańni z druhim paŭhodździem 2022 hoda, było vydadziena na 25% bolš takich dakumientaŭ.
Bolš za ŭsio dazvołaŭ atrymali hramadzianie Ukrainy — 51 126. Bolš za 42 000 hetych asob — vajennyja ŭciekačy, jakija karystajucca časovym miechanizmam abarony, uviedzienym ES.
Biełarusy za paŭhoda atrymali 19 477 dazvołaŭ na žycharstva, a Rasii — 2384.
Kali nie brać pad uvahu miechanizm abarony, uviedzieny ES, to bolš za ŭsio DNŽ było vydadziena pa pracy — 34 417 (ad studzienia da červienia 2023 h.). Ź ich 1145 atrymali vysokakvalifikavanyja śpiecyjalisty.
Na padstavie jadnańnia siamji vydadziena 2615 časovych DNŽ. Pa miery rostu kolkaści dakumientaŭ raście nahruzka na Departamient mihracyi, skazała jaho kiraŭnica Evielina Hudzinskajcie.
Adznačajecca, što vosieńniu 2019 h. rabotniki DM u siarednim prymali 70 rašeńniaŭ na miesiac, u kastryčniku 2020 h. — 109, 2021 h. — 131, 2022 h. — 206, a ŭ červieni 2023 h. — užo 241 rašeńnie.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary