«Kankurenty nas pačynajuć prydušvać». Łukašenka prakamientavaŭ situacyju ź biełaruskimi aŭtobusami, jakija harać u Sankt-Pieciarburhu
«Žudasnaja kankurencyja, ale my jaje vytrymajem. Heta dobryja, jakasnyja aŭtobusy», — miarkuje jon.
Łukašenka padčas naviedvańnia minskaha aeraporta vykazaŭsia pra situacyju z aŭtobusami biełaruskaj vytvorčaści, jakija harać u Sankt-Pieciarburhu, piša BiełTA.
Pytańnie datyčyłasia płanaŭ pa pieraasnaščeńni pasažyrskaha aŭtaparku ŭ krainie. Łukašenka źviarnuŭ uvahu, što novy transpart pastajanna zakuplajecca dla patreb haradoŭ i rehijonaŭ, asabliva prykmietny hety praces u stalicy. I jon budzie praciahnuty. Tym bolš što ŭ Biełarusi vyrablajecca ajčynnaja technika.
«Našy aŭtobusy vielmi papularnyja. My nie paśpiavajem zadavalniać patreby, — zaŭvažyŭ Łukašenka. — Kankurenty nas pačynajuć prydušvać, spasyłajučysia na toje, što tam pažar u aŭtobusie ŭ Piciery, jašče štości… Ciapier dziaržkamisija pracuje. Ja nakiravaŭ, kab razabralisia, u čym tam pytańnie. Žudasnaja kankurencyja, ale my jaje vytrymajem. Heta dobryja, jakasnyja aŭtobusy».
Jak raniej vyśvietliła «Naša Niva», asnoŭnaja prablemnaja detal, z-za jakoj adbyvajecca ŭzharańnie aŭtobusaŭ, — heta hidrapryvad vientylatara. Da 2021 hoda Minski aŭtamabilny zavod supracoŭničaŭ z Mercedes, ruchaviki jakoha staviŭ na ajčynnyja aŭtobusy.
Praz sankcyi na zamienu niamieckim ruchavikam ad Mercedes pryjšli ruchaviki kitajskaj firmy Weichai, łakalizavanyja ŭ Biełarusi. Zamiest amierykanskaj aŭtamatyčnaj karobki pieradač firmy Allison na MAZie pačali stavić kitajskuju FastGear, a partalny most niamieckaj ZF byŭ zamienieny na kitajski Hande. Astatnija detali vyrablajucca biełaruskimi i rasijskimi pradpryjemstvami.
Pavodle adkrytych źviestak i publikacyj u miedyja, u 2022 hodzie ŭ Piciery było zafiksavana nie mienš za vosiem vypadkaŭ uzharańnia aŭtobusaŭ, za 2023 hod — užo dzieviać. Bolšaść zharełych aŭtobusaŭ biełaruskaj vytvorčaści.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary
Chužie maza avtobusov niet!
Da łaaaano? 🤣 Pravda, štole?
"...Žudasnaja kankurencyja, ale my jaje vytrymajem. Heta dobryja, jakasnyja aŭtobusy..."
Ochotno vieriu! Ostałoś liš ubiediť pokupatielej, čto vašie huano prošłoho vieka očień poleznaja vieŝ. Možiet, povieriat, kak 2 646 140 łochov v 1994.