U Rahačovie mužčyna chacieŭ zdać u milicyju pistalet, ale zdaŭ i znajomaha
U milicyju pastupiła paviedamleńnie ad 65-hadovaha žychara rajcentra, jaki mieŭ namier zdać pistalet. Na miesca vyjechała śledča-apieratyŭnaja hrupa. Mužčyna rastłumačyŭ, što znajšoŭ zbroju, źniešnie padobnuju da pistaleta Makarava, kala kramy. Pravaachoŭniki pravieryli jaho słovy, adnak vyśvietliłasia, što ŭ toj pieryjad jon nie źjaŭlaŭsia kala handlovaha punkta. Tady piensijanier pryznaŭsia, što pistalet jamu pieradaŭ znajomy, piša «Biełta».
«Apieratyŭniki kryminalnaha vyšuku znajšli darylščyka. Jak ustanoŭlena, niekalki hadoŭ tamu 63-hadovy žychar Rahačova ŭ Maskoŭskaj vobłaści nabyŭ sihnalny pistalet. Užo doma vyprabavaŭ jaho, uźnikła ideja pierarabić stvoł pad bajavyja patrony 9 mm, jakija jon raniej znajšoŭ. Kulibin pryvaryŭ novy stvoł. Vynik uładalnika zadavoliŭ», — adznačyli va UUS.
U mai hetaha hoda mužčyna ŭ adnoj z kampanij paznajomiŭsia ź piensijanieram, jakomu i pieradaŭ hetuju zbroju ŭ padziaku za mahčymaść pieranačavać. Paźniej toj paviedamiŭ ab hetym u milicyju. Pa vynikach ekśpiertyzy, pistalet pryznany prydatnym dla stralby, a patron — bojeprypasam da naraznoj ahniastrelnaj zbroi.
Raspačata kryminalnaja sprava pa fakcie niezakonnych dziejańniaŭ u dačynieńni da ahniastrelnaj zbroi i bojeprypasaŭ. «Majstar» aryštavany, a ŭ dačynieńni da piensijaniera, jaki dobraachvotna vydaŭ pistalet, vyniesiena pastanova ab admovie va ŭzbudžeńni kryminalnaj spravy.
Cichanoŭski patłumačyŭ, čamu jon tak pavodziŭ siabie ŭ Ńju-Jorku124
Kamientary