«Źbiraŭ źviestki ab rezidencyi Alaksandra Łukašenki ŭ Sočy» — u Minsku pačaŭsia sud nad byłym hałoŭnym doktaram sanatoryjaŭ u Druskienikach i Sočy
Pavodle aficyjnaj viersii, jaho nibyta zavierbavali litoŭskija śpiecsłužby pad pahrozaj šantažu.
Siońnia Minski haradski sud pačynaje razhladać spravu byłoha hałoŭnaha doktara biełaruskich sanatoryjaŭ u Druskienikach i Sočy Andreja Kobiela. Jon abvinavačvajecca pa artykule za zdradu dziaržavie, paviedamlaje «Narodnaja Vola».
Raniej pra Andreja Kobiela raspaviadali na dziaržtelebačańni. Pavodle aficyjnaj viersii, jaho nibyta zavierbavali litoŭskija śpiecsłužby pad pahrozaj šantažu.
Ad Kobiela nibyta patrabavałasia źbirać i pieradavać źviestki pra pacyjentaŭ sanatoryjaŭ, a taksama infarmacyju ab rezidencyi Alaksandra Łukašenki ŭ Sočy, jakaja znachodzicca na terytoryi sanatoryja. Taksama śćviardžałasia, što jon uładkoŭvaŭ na pracu supracoŭnikaŭ na patrabavańnie Departamienta dziaržbiaśpieki Litvy.
Pra toje, što eks-hałoŭny doktar sanatoryja byŭ zatrymany kontrraźviedkaj KDB Biełarusi i trapiŭ pad śledstva za špijanaž na karyść zamiežnych śpiecsłužbaŭ, stała viadoma ŭ kancy 2022 hoda.
Viadoma, što sprava budzie słuchacca ŭ zakrytym farmacie. Andreja Kobiela buduć sudzić pavodle č. 1 art. 356 «Zdrada dziaržavie».
Sankcyja artykuła praduhledžvaje da 15 hadoŭ pazbaŭleńnia voli.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary