Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy
Namieśnik ministra ŭnutranych spraŭ Litvy Arnold Abramavičus zajaviŭ, što zakryćcio ŭsich šaści pamiežnych punktaŭ ź Biełaruśsiu vykliča surjoznyja arhanizacyjnyja prablemy.
Krainy Bałtyi i Polšča abmiarkoŭvajuć mahčymaść poŭnaha zakryćcia miežaŭ, kančatkovyja akcenty buduć uzhodnienyja jašče ŭ hetym miesiacy ŭ Varšavie, cytuje słovy ministra ŭnutranych spraŭ Litvy Ahne Biłatajcie BNS.
Pavodle jaje słoŭ, havorka idzie pra «rehijanalnaje rašeńnie».
«U mianie była razmova ź ministram unutranych spraŭ Polščy tydzień tamu. My damovilisia, što ciapier na techničnym uzroŭni ŭzhadniajem dziejańni, ałharytmy, jak by heta vyhladała, kali b była pryniataja takaja rehijanalnaja pastanova, kali b heta zrabili adnačasova krainy Bałtyi i Polšča, — skazała ministarka žurnalistam u sieradu pierad pasiadžeńniem urada.
«Ja chaču zapeŭnić vas, što na techničnym uzroŭni my heta abmiarkujem, a na palityčnym — zapłanavana sustreča 28-ha ŭ Varšavie, u jakoj voźmuć udzieł ministry krain Bałtyi i Polščy, my rasstavim kančatkovyja akcenty, jak pavinien vyhladać tak zvany sinchron», — adznačyła jana.
Namieśnik ministra ŭnutranych spraŭ Arnold Abramavičus zajaviŭ, što zakryćcio ŭsich šaści pamiežnych punktaŭ ź Biełaruśsiu adnačasova vykliča surjoznyja arhanizacyjnyja prablemy.
U sieradu ministry vyrašyli zakryć ź piatnicy punkty propusku «Šumskas» i «Ćviaračus» na miažy ź Biełaruśsiu. Paśla hetaha buduć dziejničać čatyry punkty na miažy ź Biełaruśsiu: «Miadzininkaj», «Łavaryški», «Rajhardas» i «Šalčyninkaj».
Pa słovach ministra, ab hetym rašeńni hramadskaść budzie prainfarmavanaja bolš padrabiazna, kab jano nie pryniesła niazručnaściaŭ.
«Viadoma, naša hałoŭnaja meta — kab jak maha bolš pamiežnikaŭ było na miažy», — skazała ministr.
Urad vyrašyŭ časova zakryć dva punkty «praz hieapalityčnyja abstaviny i dziela źnižeńnia pahroz». Transpartny patok budzie nakiravany na zaviaršalnuju rekanstrukcyju pahraničnaha kantrolna-prapusknoha punkta «Miadzininkaj».
Litva i krainy Bałtyi robiać takija zachady z-za situacyi vakoł vahnieraŭcaŭ u Biełarusi i pavieličeńnia patoku nielehalnych mihrantaŭ.
Litva ŭsio ž zakryvaje dva punkty propusku na miažy ź Biełaruśsiu
U PVK «Vahnier» nazvali kolkaść bajcoŭ u Biełarusi
MZS Polščy pra zakryćcio miažy ź Biełaruśsiu: Razhladajem lubyja kroki. Vahnieraŭcy sprabavali praniknuć u Polšču
Kiraŭniki MUS Litvy i Polščy abmierkavali mahčymuju izalacyju Biełarusi
Polšča nie vyklučaje zakryćcia ŭsich punktaŭ propusku na biełaruskaj miažy
Častka vahnieraŭcaŭ raźmiaściłasia niepadalok ad miažy ź Litvoj — Naŭsieda
Siońnia prykmiet pravakacyj vahnieraŭcaŭ suprać Litvy niama, ale jość spakusa ich zładzić — Naŭsieda
Ciapier čytajuć
Dla kaho sabralisia budavać vielizarny vantavy most u Minsku?3
Kamientary
Inšaha słova dla ich niama