Łukašenka nazvaŭ ministra abarony Kitaja «samaj miedyjnaj piersonaj śvietu»
Alaksandr Łukašenka pravioŭ sustreču ź ministram abarony Kitaja Li Šanfu. Pavodle pres-słužby, jany havorać ab pierśpiektyvach i pahłybleńni vajennaha supracoŭnictva Biełarusi z Kitajskaj Narodnaj Respublikaj.
Na pačatku sustrečy Łukašenka «ciopła vitaŭ Li Šanfu ŭ Biełarusi, nazvaŭšy jaho samaj miedyjnaj piersonaj va ŭsim śviecie», piša BiełTA.
«Ja niezdarma pačaŭ hetuju razmovu ab tym, što vy — samaja miedyjnaja piersona siońnia ŭ śviecie, bo vašu aktyŭnaść, aktyŭnaść Kitajskaj Narodnaj Respubliki pa prasoŭvańni svaich intaresaŭ, asnoŭnych idej pa śvietabudovie siońnia čuje ŭvieś śviet.
Asnoŭnyja idei ciapierašniaha i budučaha — pierśpiektyŭnaj śvietabudovy Kitajskaj Narodnaj Respubliki i Biełarusi supadajuć absalutna. My heta z vami demanstrujem na praciahu apošnich troch dziasiatkaŭ hadoŭ», — skazaŭ Alaksandr Łukašenka.
«My absalutnyja prychilniki šmatpalarnaha śvietu, my absalutnyja prychilniki terytaryjalnaj cełasnaści i adzinstva miežaŭ i terytoryj, jakija skłalisia paśla Druhoj suśvietnaj vajny. My za nieŭmiašańnie va ŭnutranyja spravy dziaržaŭ. Słovam, usia taja palitra, na jakoj zasnavana źniešniepalityčnaja dziejnaść Kitaja, ułaścivaja i našamu kiraŭnictvu», — skazaŭ Łukašenka.
«Vy pavinny viedać, što my zaŭsiody na praciahu bolš čym 30 hadoŭ padtrymlivali Kitaj va ŭsich jaho pamknieńniach, bo ličym unutranuju i źniešniuju palityku Kitajskaj Narodnaj Respubliki absalutna spraviadlivaj, nacelenaj na mirnaje vyrašeńnie ŭsiakich sprečak i kanfliktaŭ», — dadaŭ jon.
Łukašenka skazaŭ, što śviet siońnia niestabilny, ale «nie z našaj viny».
«Prachodziać vielmi mahutnyja turbulentnyja padziei ŭ śviecie. I nam davodzicca być mocnymi. Bo tak skłałasia, što siłu zaŭsiody pavažajuć. U našaj palitycy my zasnoŭvajemsia na mocnaj ekanomicy, mahutnaj dypłamatyi. I ja vielmi vam udziačny za vašu padtrymku ŭ śfiery vajenna-techničnaha i vajennaha supracoŭnictva. My ŭ hetym płanie pierš za ŭsio abapirajemsia na našych siabroŭ. I pierš za ŭsio Rasijskuju Fiederacyju i Kitaj», — zajaviŭ Alaksandr Łukašenka.
Jon adznačyŭ, što ciapierašni vizit pieršy dla Li Šanfu ŭ Biełaruś.
«Spadziajusia, nie apošni. Vielmi važny dla našaj Biełarusi», — skazaŭ Łukašenka.
Alaksandr Łukašenka adznačyŭ, što ŭ jaho sa staršynioj KNR Si Czińpinam skłalisia dobryja i siabroŭskija adnosiny:
«Ja biaźmierna pavažaju svajho siabra. My daŭno znajomyja ź im. Ja vielmi prašu vas pieradać ad imia biełaruskaha naroda samyja ciopłyja i dobryja zyčeńni jamu, jaho siamji za ŭsio toje, što Kitaj apošnim časam zrabiŭ dla Biełarusi».
Jon taksama paprasiŭ pieradać dobryja zyčeńni žoncy lidara KNR Pen Lijuań, piša BiełTA.
U svaju čarhu Li Šanfu ad imia staršyni KNR «pieradaŭ Alaksandru Łukašenku najlepšyja zyčeńni i ciopłaje pryvitańnie».
Ministr abarony Kitaja Li Šanfu prybyŭ u Minsk 16 žniŭnia. Učora ŭ jaho adbyłasia sustreča ź biełaruskim kaleham Viktaram Chreninym.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary