U Łošyckim parku źjavicca vystavačny kompleks. Što tam budzie?
Navošta stvarać u Łošyckim parku vystavačny kompleks, raspavioŭ restaratar, dyrektar hatela «Jeŭropa» Dźmitryj Kupryjaniuk, pišuć Minsk-naviny.
Mienavita hatel «Jeŭropa» pryznačany ekspłuatujučaj arhanizacyjaj kompleksu, jaki źjavicca ŭ Łošyckim parku.
— U histaryčnych budynkach siadziby raźmieściacca 4-zorkavy hatel, dziciačaje kafe, zała šlubaŭ i vialiki vystavačny kompleks, − udakładniŭ D.Kupryjaniuk.
Pryčym zała šlubaŭ budzie chutčej placoŭkaj, dzie luby Pałac šlubu zmoža pravodzić vyjaznyja rehistracyi, − tłumačyć surazmoŭca. — U tym liku rośpis na vadzie.
A ŭ budučaha vystavačnaha kompleksu i ŭvohule całkam vyraznaja meta — razhruzić «kalehu» na Pałacy sportu.
— Vystavačny kompleks u centry horada dosyć zahružany mierapryjemstvami i padziejami, — unosić kankretyku D.Kupryjaniuk. — Akramia taho, z parkovačnymi miescami jość niuansy. Niahledziačy na najaŭnaść bakavoj stajanki la samych ścien Pałaca sportu i šmatuzroŭnievaha parkinha na supraćlehłym baku praśpiekta. Placoŭka ŭ Łošyckim dapamoža raźmierkavać nahruzku ŭ centry horada.
Surazmoŭca nie chavaje hrandyjoznych płanaŭ: šmatfunkcyjanalny kompleks, u jaki pieratvoracca histaryčnyja budynki siadziby paśla rekanstrukcyi, kaža, što stanie adnym z samych znakavych miescaŭ stalicy.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary