«Ja hanarusia tym, što ŭ hetaj baraćbie dapamahajuć biełarusy». Cichanoŭskaja pavinšavała ŭkraincaŭ i Zialenskaha z Dniom niezaležnaści
Demakratyčny lidar Biełarusi źviarnułasia da ŭkraincaŭ z nahody Dnia niezaležnaści. Jana vykazała ŭpeŭnienaść, što biełarusam i ŭkraincam udasca adnavić dobryja adnosiny i pryciahnuć da adkaznaści tych, chto pačaŭ vajnu.
«Šanoŭnyja ŭkraincy i ŭkrainki, prezident Zialenski!
Prajšło ŭžo paŭtara hoda ad poŭnamaštabnaha ŭvarvańnia Rasii va Ukrainu. Uvieś hety čas vy baronicie svaju niezaležnaść sa zbrojaj u rukach i ahniom u sercy. My schilajem hałavu pierad vašaj mužnaściu i stojkaściu. Vaša baraćba za svaju svabodu natchniaje ŭvieś śviet.
Ja hanarusia tym, što ŭ hetaj baraćbie dapamahajuć biełarusy. Hanarusia pałkom Kalinoŭskaha i našymi vajarami-dobraachvotnikami, jakija ździajśniajuć podźvih za podźviham. Ja hanarusia našymi vałanciorami, jakija adnaŭlajuć harady, dasyłajuć infarmacyju ŭ «Biełaruski Hajun». Miedykami, što ratujuć žyćci. Hanarusia ŭsimi volnymi biełarusami, jakija danaciać na ŭkrainskuju armiju i nabližajuć pieramohu Ukrainy.
My adnovim dobryja adnosiny pamiž našymi narodami, a tyja, chto šturchnuŭ našu krainu ŭ vajnu, — abaviazkova paniasuć adkaznaść.
Darahija ŭkraincy, zyču vam sustreć nastupny Dzień niezaležnaści ŭ mirnaj i svabodnaj Ukrainie.
Słava Ukrajini! Žyvie Biełaruś!»
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža24
Kamientary
Kolki kaštuje sumleńnie pad prakryćciom Łandśbierhisa?