Tałaj anansavaŭ pryvoz u Biełaruś novych hrup ukrainskich dziaciej
Paralimpijec Alaksiej Tałaj, fond jakoha zajmajecca pryvozam dziaciej u Biełaruś, paviedamiŭ sb.by, što ŭ Biełaruś uvosień pryviazuć jašče niekalki hrup ukrainskich dziaciej z terytoryj, akupavanych Rasijaj.
«Razam z kamandaj majho dabračynnaha fondu i našymi dziaržaŭnymi strukturami my poŭnyja rašučaści i dalej praciahvać prajekt adpačynku dziaciej Danbasa ŭ Biełarusi», — zajaviŭ Tałaj.
Prytym havorka, moža, ciapier budzie iści nie tolki pra dziaciej z «ŁNR» i «DNR», ale taksama i z Zaparožskaj dy Chiersonskaj abłaściej.
Raniej Mižnarodny kryminalny sud vydaŭ order na aryšt prezidenta Rasii Uładzimira Pucina i ŭpaŭnavažanaj pa pravach dziciaci Maryi Lvovaj-Białovaj z-za praktyki departacyi ŭkrainskich dziaciej z akupavanych terytoryj. Taksama stavicca pytańnie ab padobnych mierach adnosna Łukašenki i jahonych pamahatych.
Na hetym tydni vydańnie The Wall Street Journal, darečy, apublikavała materyjał pra toje, što ŭ łahierach adpačynku na terytoryi Biełarusi ŭkrainskija dzieci sustrakajucca z pradstaŭnikami Biełaruskaj pravasłaŭnaj carkvy, vyvučajuć asnovy abychodžańnia sa zbrojaj i hladziać šou, jakija prasłaŭlajuć Uładzimira Pucina. Siarod inšaha vydańnie spasyłajecca i na dakumienty, pieradadzienyja Narodnym antykryzisnym upraŭleńniem pad kiraŭnictvam Paŭła Łatuški.
My nie ŭdzielničajem u vyvazie dziaciej za miežy Ukrainy — rehijanalny ofis JUNISIEF
Biełaruskaja deputatka: Dziaciej z Ukrainy vyvoziać pry sadziejničańni AAN i Čyrvonaha Kryža
Kiraŭnik Biełaruskaha Čyrvonaha Kryža, jaki zaśviaciŭsia z Z-simvolikaj, raskazaŭ, što robić na Danbasie
Nieviadomy rasijanin pieradaŭ zakinutuju siadzibu vialikich kniazioŭ Ramanavych pad Barysavam fondu Tałaja
Alaksiej Tałaj pryznaŭsia, što vyvaz ukrainskich dziaciej u Biełaruś uchvaliŭ asabista Łukašenka
Ciapier čytajuć
Łukašenka sprabavaŭ vyśvietlić, chto nastukaŭ Pucinu pra hieorhijeŭskija stužki12
Kamientary