Łuisa Rubialesa adchilili ad futboła na čas razhladu spravy pra skandalny pacałunak
Prezident Fiederacyi futboła Ispanii Łuis Rubiales časova adchileny ad luboj futbolnaj dziejnaści na čas dyscyplinarnaha razboru, raspačataha adnosna jahonaha skandalnaha pacałunku futbalistki zbornaj Ispanii Dženifier Ermosa. Pra heta paviedamlajecca na sajcie FIFA.
Samomu Rubialesu rekamiendavana taksama ŭstrymacca ad kantaktaŭ ci sprobaŭ źviazacca z Ermosa i jaje blizkim asiarodździem. Anałahičnuju rekamiendacyju dali taksama Federacyi futboła Ispanii i jaje słužbovym asobam.
Skandał uźnik paśla taho, jak na cyrymonii ŭznaharodžańnia paśla pieramohi nacyjanalnaj kamandy ŭ finale žanočaha čempijanatu śvietu nad Anhlijaj (1:0) Rubiales mocna abniaŭ i pacałavaŭ u vusny Ermosu, čym vyklikaŭ krytyku ŭ svoj adras. Tłumačačy svaje dziejańni, Rubiales zaklikaŭ «nie źviartać uvahi na łuchtu», ale hetym tolki padliŭ aleju ŭ ahoń.
U čaćvier dyscyplinarny kamitet FIFA raspačaŭ spravu suprać Rubialesa. U FIFA adznačyli, što jaho dziejańni mohuć być parušeńniem art. 13 dyscyplinarnaha kodeksa, pryśviečanaha «abraźlivym pavodzinam», u pryvatnaści «parušeńniu asnoŭnych praviłaŭ hodnych pavodzin» i «pavodzinam, jakija nanosiać škodu reputacyi hetaha vidu sportu».
Prakuratura Madryda 25 žniŭnia raspačała spravu ŭ dačynieńni da kiraŭnika RFEF pa padazreńni ŭ seksualnym hvałcie. U spravie jość zajava ad samoj Ermosa, a taksama ad prezidenta Nacyjanalnaj škoły futbolnych trenieraŭ Mihiela Anchiela Hałana.
Niahledziačy na cisk, Rubiales 25 žniŭnia zajaviŭ, što nie sydzie ŭ adstaŭku. Na znak pratestu forvard «Bietysa» Borcha Ihlesijas abviaściŭ ab sychodzie z mužčynskaj zbornaj Ispanii.
Rubiales uznačalvaje RFEF z maja 2018 hoda.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje12
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju44
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary