Naŭsieda naviedaŭ litoŭska-biełaruskuju miažu: «situacyja ź niepradkazalnym susiedam zastajecca napružanaj»
U aŭtorak Hitanas Naŭsieda sustreŭsia z kiraŭnictvam pamiežnaj słužby Litvy i supracoŭnikami Varenskaha pamiežnaha atrada. Na sustrečy abmiarkoŭvalisia pytańni achovy miažy Litvy ź Biełaruśsiu i ŭzmacnieńnia bojehatoŭnaści pamiežnych struktur, paviedamlaje Delfi.lt.
Prezidenta Litvy aznajomili z manitorynham učastka dziaržaŭnaj hranicy Varenskaha pahraničnaha atrada i zastavy imia Alaksandrasa Baraŭskasa, ałharytmami reahavańnia, mižviedamasnym uzajemadziejańniem, rehijanalnaj mižnarodnaj kaardynacyjaj.
Jon naviedaŭ kantrolna-apieratyŭny centr achovy, acaniŭ techničnaje zabieśpiačeńnie i abstalavańnie pamiežnych padraździaleńniaŭ śpiecyjalnaha pryznačeńnia. Pradstaŭniki pamiežnaj słužby pakazali śpiecyfiku ŭčastka dziaržaŭnaj miažy, kantralavanaha Varenskim pamiežnym atradam.
Zadavoleny tendencyjaj da źnižeńnia nielehalnaj mihracyi, kiraŭnik Litvy padkreśliŭ, što situacyja na miažy z ahresiŭnaj i niepradkazalnaj dziaržavaj, tym nie mienš, zastajecca napružanaj.
Što da vahnieraŭcaŭ, to ciapier Litva nie vałodaje infarmacyjaj ab schiemach nielehalnaj mihracyi, źviazanych z hetym vajennym farmavańniem. Adnak pastupajuć naviny pra toje, što najmitam vyšejzhadanaj kampanii ŭžo bolš za miesiac vydajucca biełaruskija pašparty, što vyklikaje niepakoj.
Naŭsieda stanoŭča acaniŭ abnoŭleny płan achovy dziaržaŭnaj miažy.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku34
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary
mda už...