Nobieleŭski fond adklikaŭ zaprašeńnie pasłam Biełarusi, Rasii i Irana na ŭračystaści
Zaprašeńnie pasłoŭ vyklikała abureńnie jak u Šviecyi, tak i va Ukrainie.
Nobieleŭski fond adklikaŭ zaprašeńnie pasłam Rasii, Biełarusi i Irana na cyrymoniju ŭručeńnia premij u Stakholmie.
Pra toje, što pasły hetych krain buduć zaprošanyja na ŭračystaści z nahody ŭručeńnia nobieleŭskich premij u Stakholm, stała viadoma ŭ čaćvier.
U fondzie tady zajavili, što imknucca pryciahnuć navat tych, chto nie padzialaje kaštoŭnaściaŭ Nobieleŭskaj premii.
Piać z šaści cyrymonij uručeńnia Nobieleŭskaj premii štohod prachodziać u Stakholmie, a Nobieleŭskaja premija miru ŭručajecca ŭ Osła.
Letaś pasłoŭ Rasii i Biełarusi nie zaprašali praz rasijskuju ahresiju suprać Ukrainy.
Novym rašeńniem Nobieleŭskaha kamiteta aburylisia jak u Šviecyi, tak i va Ukrainie.
Pres-sakratar MZS Ukrainy Aleh Nikolenka napisaŭ, što «imavierna, u toj dzień, kali rasijski pasoł budzie siadzieć u pryhožym kaściumie ŭ Stakholmskim kancert-chole, rasijskaja armija budzie čynić čarhovyja vajennyja złačynstvy na akupavanych ukrainskich terytoryjach, a rasijskija rakiety buduć źniščać čarhovyja žyłyja kvartały va ŭkrainskich haradach. Jak pry takich umovach usprymuć u Kramli rašeńnie fondu viarnucca da business as usual? Tolki ŭzmacnieńniem adčuvańnia biespakaranaści i novymi złačynstvami», — aburyŭsia pres-sakratar MZS Ukrainy.
Akramia taho, Nobieleŭskaj premijaj miru ŭ minułym hodzie byŭ uznaharodžany biełaruski pravaabaronca Aleś Bialacki, zatrymany razam z kalehami 14 lipienia 2021 hoda. U sakaviku 2023 hoda Bialacki byŭ asudžany na 10 hadoŭ źniavoleńnia.
Pasła Biełarusi zaprasili na bankiet z nahody ŭručeńnia Nobieleŭskich premij
«Biełaruś — nie Rasija, i Łukašenka — nie Biełaruś». Pramova žonki Alesia Bialackaha Natalli Pinčuk na Nobieleŭskaj kanfierencyi miru — 2023
MZS Ukrainy raskrytykavała rašeńnie zaprasić biełaruskaha i rasijskaha pasłoŭ na ŭručeńnie Nobieleŭskich premij
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary