Kala zubra na trasie M-1 praciahvajuć uparadkavańnie. Voś što tam jašče zjaviłasia
Kala vializnaj skulptury zubra, jakaja staić pobač z trasaj na ŭjeździe ŭ Bresckuju vobłaść, ustanavili novyja dekaratyŭnyja elemienty, piša bar24.by.
Pobač ź niadaŭna abstalavanaj parkoŭkaj zjaviŭsia nadpis «Bresckaja vobłaść». Kožnaja litara ŭ hetym nadpisie — habijon vyšynioj niekalki mietraŭ. Miarkujučy pa tym, što pobač jašče lažać upakoŭki z drotam i staić budaŭničaja technika, dekaratyŭny elemient jašče nie zavieršany.
Uparadkavańnie skulptury žyvioły i prylehłaj terytoryi pačałosia ŭ kancy 2022 hoda. Tady mietaličnaha hihanta pafarbavali. U kancy maja 2023 hady ŭ zubra stali mirhać vočy. A ŭ ciemry jany jašče i zaśviacilisia.
Kali skulpturu pryviali ŭ paradak, uzialisia za ŭparadkavańnie prylehłaj da jaho terytoryi. Zrabili miesca dla zajezdu z trasy z parkoŭkaj dla aŭtamabilaŭ, łavačkami i stolikami dla adpačynku. A ciapier jašče i habijony ŭstalavali. Jany pavinny stać asnovaj budučaj fotazony.
Taksama ŭłady zajaŭlali pra namier zrabić pobač sa skulpturaj jašče i kafe. Ale nijakaj kankretnaj infarmacyi nakont hetaha pakul niama.
Skulptura zubra na aŭtadarozie M-1 Brest — Minsk — miaža RF zjaviłasia ŭ 2003 hodzie. Statuja ŭstanoŭlenaja na ŭjeździe ŭ Baranavicki rajon, niedaloka ad vioski Pietkavičy. Vyšynia zubra — kala 20 mietraŭ, jaho vaha — kala 70 ton. Skulpturu vyrabili na Pinskim sudnabudaŭniča-sudnaramontnym zavodzie.
Mini-kopiju baranavickaha zubra sioleta ŭstanavili ŭ Hancavičach. Adnak zubra tam čakali pryhody.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova11
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier66
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier6
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary