Abnaŭleńnie skulptury zubra, jakaja znachodzicca na 117-m kiłamietry trasy M1 «Minsk-Brest», i terytoryi kala jaho vychodzić na zaviaršalny etap. Dniami tam abstalavali aŭtaparkoŭku.
Jak paviedamlaje aficyjny telehram-kanał #1riehion, parkoŭka raźmieščana z ulikam patrabavańniaŭ biaśpieki pravił darožnaha ruchu. Raniej aŭtaturystam, kab sfatahrafavacca z zubrom, davodziłasia spyniacca prosta na ŭzbočynie.
Abnaŭleńnie hihanckaj skulptury, jakuju ŭstalavali amal 20 hadoŭ tamu, pačałosia jašče letaś. Tady mianiali mietaličnyja listy, pieravarvali švy. Krychu paźniej jaje pierafarbavali, a niadaŭna ŭstalavali niezvyčajnuju padśvietku. Ciapier u zubra nočču śvieciacca navat vočy.
Hihanckaja fihura zubra ŭstanoŭlenaja na miažy Bresckaj i Minskaj abłaściej u 2003 hodzie. U vyšyniu mietaličny zubr 30 mietraŭ, a važyć jon kala 70 ton. Zrabili skulpturu na Pinskim sudnabudaŭniča-sudnaramontnym zavodzie.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary