Zatrymali treniera junijorskaha «Dynama-Minsk». Ën unuk lehiendarnaha futbalista
Artur Mustyhin — z rodu Michaiła Mustyhina, adnaho z najbolšych zorak u historyi biełaruskaha futboła. Treniera vinavaciać u tym, što jon vychodziŭ na pratest u 2020-m.
Arturu Mustyhinu 37 hadoŭ. Jon ź dziacinstva zajmaŭsia futbołam, a pieršym trenieram u jaho byŭ dzied — viadomy futbalist Michaił Mustyhin. Michaił Mustyhin dvojčy byŭ najlepšym bambardziram čampijanatu SSSR i pryznavaŭsia adnym z najlepšych futbalistaŭ krainy. Z 1962 pa 1968 hulaŭ u «Dynama-Minsk», a paśla pracavaŭ trenieram.
U 2002 i 2003-m mužčyna hulaŭ za kamandu «Łakamatyŭ Minsk» (SKVIČ). U 2002-m jana była ŭ pieršaj, a ŭ 2003-m — u najvyšejšaj lizie Biełarusi.
Artur u 2003 hodzie skončyŭ škołu №89 u rajonie vulicy Siarova. Paśla jon pastupiŭ u Biełaruski dziaržaŭny ŭniviersitet fizičnaj kultury na śpiecyjalnaść «futboł». Paśla zakančeńnia ŭniviersiteta hulaŭ u futboł, adbiehaŭšy čatyry siezony za amatarskuju kamandu «Uschod».
Taksama amal adrazu pačaŭ pracavać trenieram. Ciapier mužčyna pracuje junijorskim trenieram u «Dynama-Minsk». Mustyhin treniruje chłopcaŭ 2007 hoda naradžeńnia.
Jaho zatrymali za adno fota z pratestaŭ. HUBAZiK śćviardžaje, što suprać jaho zaviali kryminalnuju spravu.
«Naša Niva» — bastyjon biełaruščyny
PADTRYMAĆCiapier čytajuć
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii4
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary