MZS znoŭ nie dazvoliła «Biełsatu» adkryć u Biełarusi karpunkt
Maŭlaŭ, byli parušany patrabavańni zakona ab ŚMI i pałažeńni ab akredytacyi karespandentaŭ zamiežnych ŚMI ŭ Biełarusi.
Ministerstva zamiežnych spraŭ Biełarusi znoŭ nie dazvoliła polskamu telekanału «Biełsat» adkryć u krainie karpunkt.
8 śniežnia pradstaŭnik kanała Michaił Jančuk naviedaŭ MZS, dzie jamu byŭ dadzieny adkaz na zajaŭku «Biełsata» ab adkryćci karpunkta. Jak paviedamiŭ Jančuk, u dakumiencie za podpisam namieśnika ministra Valeryja Varanieckaha adznačajecca, što, pavodle najaŭnaj u MZS infarmacyi, na praciahu 2009 hoda
biełaruskija orhany prakuratury vynieśli papiaredžańni šerahu hramadzian krainy za pracu ad imia telekanała «Biełsat» biez akredytacyi pry MZS.
Tym samym, havorycca ŭ adkazie, byli parušany patrabavańni zakona ab ŚMI i pałažeńni ab akredytacyi karespandentaŭ zamiežnych ŚMI ŭ Biełarusi. Z hetaj pryčyny «Biełsatu» admoŭlena ŭ adkryćci karpunkta.
Upieršyniu «Biełsatu» admoŭlena ŭ pačatku sakavika hetaha hoda. Aficyjnaj pryčynaj stała niapravilnaje afarmleńnie dakumientaŭ.
***
Pahadnieńnie ab stvareńni spadarožnikavaha telekanała «TV Biełaruś» było padpisana 23 krasavika 2007 hoda pamiž Polskim hramadskim telebačańniem (TVP) i Ministerstvam zamiežnych spraŭ Polščy. 18 lipienia TVP zaćvierdziła ŭ svajoj struktury novy spadarožnikavy telekanał, jaki atrymaŭ nazvu «Biełsat». 10 śniežnia 2007 hoda z vypusku navin pačałosia testavaje viaščańnie «Biełsata». Telekanał finansujecca z reziervovaha biudžetu polskaha MZS. Prahramy «Biełsata» vychodziać pieravažna na biełaruskaj movie. Hałoŭnaja zadača telekanała — davać hramadzianam Biełarusi abjektyŭnuju i dakładnuju infarmacyju ab padziejach u krainie, Jeŭropie i śviecie.
11 listapada Saviet ministraŭ Biełarusi pryniaŭ pastanovu, u adpaviednaści ź jakoj na adzin hod była vydadziena akredytacyja «Jeŭrapiejskamu radyjo dla Biełarusi» («Jeŭraradyjo»), što bazujecca ŭ Polščy.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija12
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary