«Biełaruski i paŭnočnakarejski narody zaŭsiody adstojvali svajo prava na suvierennaje raźvićcio i samastojny vybar svajoj budučyni», — havorycca ŭ vinšavańni.
Alaksandr Łukašenka pavinšavaŭ kiraŭnika KNDR Kim Čen Yna z nacyjanalnym śviatam — Dniom utvareńnia Karejskaj Narodna-Demakratyčnaj Respubliki, paviedamlaje BiełTA.
«Biełaruski i paŭnočnakarejski narody zaŭsiody adstojvali svajo prava na suvierennaje raźvićcio i samastojny vybar svajoj budučyni, — havorycca ŭ vinšavańni. — Pryjemna adznačyć, što z momantu ŭstanaŭleńnia dypłamatyčnych adnosin supracoŭnictva pamiž našymi krainami raźvivajecca ŭ atmaśfiery družby, davieru i ŭzajemapavahi».
Łukašenka vykazaŭ upeŭnienaść, što kantakty Minska i Pchieńjana ŭ roznych halinach praciahnuć umacoŭvacca, unosiačy važki ŭkład u pabudovu bolš spraviadlivaha i bieskanfliktnaha śvietu, nabližajučy pierachod mižnarodnaj sistemy da šmatpalarnaha paradku.
Łukašenka pažadaŭ Kim Čen Ynu dobraha zdaroŭja i pośpiechaŭ na adkaznaj dziaržaŭnaj pasadzie, a narodu KNDR — ščaścia i dabrabytu.
Voś tolki pavodle zamiežnych miedyja ŭ KNDR u apošnija miesiacy pryjšoŭ hoład, ad jakoha ludzi ciapier pamirajuć.
Taksama apošnim časam kolkaść samahubstvaŭ u Paŭnočnaj Karei ŭ paraŭnańni ź minułym hodam pavialičyłasia na 40%. U pieršuju čarhu heta źviazana z halečaj, hoładam i represijami.
Materyjał pra hoład u KNDR: «Našy susiedzi pamirajuć ad hoładu». Redkija intervju Bi-bi-si z žycharami Paŭnočnaj Karei
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Vot už hdie po istinie obmančivaja vniešnosť.