Hienieralnaja prakuratura sama zrabiła toje, za što karaje inšych
U telehram-kanale Hienieralnaj prakuratury na karotki čas u ahulnym dostupie źjaviłasia hipierspasyłka na sajt vydańnia «Lusterka», jakoje struktury režymu Łukašenki ličać «ekstremisckim».
Choć spasyłka była vydalena, možna kanstatavać, što Hienieralnaja prakuratura parušyła svaje ž zakony, spryčyniŭšysia da raspaŭsiudu strašnaha «ekstremizmu». Prostych śmiarotnych u biełaruskich umovach za heta, chutčej za ŭsio, pakarali b, navat nie raźbirajučysia ŭ sutnaści spravy.
Treba dumać, Hienprakuratury nie ŭsio adno, što pišuć pra ich dziejańni «ekstremisckija» ŚMI, i pierasyłka spasyłki rabiłasia ŭ ramkach hetaha manitorynhu. Voś tolki supracoŭnik jaŭna pierabłytaŭ pracoŭny čat z publičnym kanałam.
Padobny kazus, nahadajem, na tym tydni zdaryŭsia sa staršynioj praŭładnaj ŁDPB, deputatam Pałaty pradstaŭnikoŭ Aleham Hajdukievičam.
Kamientary