Iłan Mask płanavaŭ lacieć na Mars na rasijskich rakietach, ale ździełka z Maskvoj z treskam sarvałasia
Usiamu vinoj mocny pierabor z ałkaholem i nie tolki.
Padčas svajho naviedvańnia Rasii Iłan Mask ad ałkaholu straciŭ prytomnaść i pravaliŭ ździełku pa kaśmičnych rakietach dla svajoj marsijanskaj misii. Pra heta 12 vieraśnia raskazała vydańnie Business Insider sa spasyłkaj na novuju knižnuju bijahrafiju Maska.
Pavodle adnaho z epizodaŭ bijahrafii, jašče ŭ pačatku 2000-ch pierad stvareńniem kampanii SpaceX Iłan Mask chacieŭ zakupić rasijskija rakiety dla budučaj kaśmičnaj misii na Mars pad nazvaj «Marsijanski aazis», tamu vyrašyŭ naviedać Maskvu dla adpaviednych pieramoŭ.
Samo padarožža ŭklučała prypynak u Paryžy, dzie miljarder zładziŭ načnuju viečarynku i paśpieŭ mocna nabracca ałkaholem. Zatym u Maskvie hetaja sprava pajšła jašče dalej.
«Prybyŭšy ŭ Maskvu, Iłan Mask sa svajoj kamandaj pajšli ŭ restaran, dzie była pryznačanaja sustreča z rasijskimi pradprymalnikami nakont pytańnia nabyćcia rakiet. Tam było šmat harełki, i miljarderu «ŭ jakaści žesta haścinnaści» padaryli try butelki śpirtnoha, padčas raśpivańnia jakich Mask straciŭ prytomnaść i stuknuŭsia hałavoj ab stoł.
Potym była jašče adna niaŭdałaja sustreča, paśla jakoj Mask kančatkova źjechaŭ z Rasii ni z čym», — piša Business Insider sa spasyłkaj na novuju bijahrafiju Maska.
U bijahrafii pry hetym adznačana, što Mask nie syšoŭsia sa svaimi rasijskimi partniorami ŭ canie, bo raźličvaŭ kupić adrazu dźvie rakiety «Dniepr» za 18 miljonaŭ dalaraŭ, što nie spadabałasia rasijanam, jakija chacieli pradać rakiety pa 18 miljonaŭ kožnuju.
«Kali Mask admoviŭsia iści na takija ŭmovy, rasijanie adrazu padniali canu da 21 miljona dalaraŭ za kožnuju rakietu. U dadatak da hetaha rasijanie paździekavalisia ź biznesmiena słovami: «Oj, u maleńkaha chłopčyka nie chapaje hrošaj?» Paśla hetych słoŭ Mask spyniŭ pieramovy i źjechaŭ», — havorycca ŭ bijahrafii miljardera.
Nahadajem, što novaja bijahrafija Iłana Maska aŭtarstva Uołtera Ajzieksana taksama raskryła detali adnoj z vajskovych apieracyj Ukrainy suprać rasijskaha fłotu ŭ Krymie ŭ 2022 hodzie. Zhodna z apisanym epizodam bijahrafii, Mask tady sarvaŭ hetuju apieracyju, adklučyŭšy ŭkraincam vysakajakasnuju spadarožnikavuju internet-suviaź Starlink, bo bajaŭsia pačatku treciaj suśvietnaj vajny. Sam Mask, praŭda, zajaviŭ, što nie błakavaŭ USU dostup da Starlink u rajonie Kryma. Pa jahonych słovach, sistema ad pačatku tam nie pracavała.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ1
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary