ZŠA terminova vyvieli z Brytanii ŭsie bambardziroŭščyki B-1 paśla mierkavanaj padrychtoŭki teraktu na avijabazie
Dvanaccać amierykanskich bambardziroŭščykaŭ, jakija vykarystoŭvalisia dla ŭdaraŭ pa Iranie, viarnuli ŭ ZŠA. Heta adbyłosia praz tydzień paśla zatrymańnia kala avijabazy niekalkich mužčyn, jakich padazrajuć u padrychtoŭcy teraktaŭ.
Usie amierykanskija bambardziroŭščyki B-1B Lancer pakinuli bazu Karaleŭskich vajenna-pavietranych sił Ferfard u Vialikabrytanii, paviedamlaje Reuters sa spasyłkaj na Pientahon.
«Choć mierkavańni apieratyŭnaj biaśpieki nie dazvalali nam paćviardžać pieramiaščeńnie našaj techniki i sił u realnym časie, ciapier my možam paviedamić, što ŭsie amierykanskija bambardziroŭščyki, raźmieščanyja na bazie Ferfard, viarnulisia na svaje bazy ŭ Złučanych Štatach», — zajaviŭ pradstaŭnik Pientahona.
Na brytanskaj avijabazie znachodzilisia 12 bambardziroŭščykaŭ B-1. Ź jaje jany vylatali dla naniasieńnia amierykanskich udaraŭ pa iranskich rakietnych abjektach.
Za tydzień da hetaha kala Ferfarda zatrymali niekalkich mužčyn pavodle zakanadaŭstva ab vybuchovych rečyvach. Z navakolnych damoŭ evakujavali žycharoŭ.
Premjer-ministr Vialikabrytanii Endzi Biornem zajaviŭ, što ŭ Łondana jość «važkija prykmiety» datyčnaści Irana da mierkavanaj zmovy suprać bazy. Tehieran adchiliŭ hetyja abvinavačańni jak biespadstaŭnyja. Donald Tramp śćviardžaŭ, što padazravanyja płanavali nanieści «vialikuju škodu».
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe17
Kamientary
Raju ŭsim cikaŭnym aznajomicca.
Šmat čaho stanie zrazumieła.