Aksamitnaść harbuza vydatna zbałansujuć śpiecyi — časnok, muskatny arech i kurkuma. Smačna jeści!
Kab pryhatavać krem-sup z harbuza, spatrebicca:
- harbuz — prykładna 1 kh ačyščanaj miakaci (ćviorduju skurku zrazajem)
- dźvie cybuliny
- alej — 2 st. łyžki
- viarški 10—15%
- sol
- čorny pierac
- muskatny arech
- kurkuma
- harbuzovyja siemki
Dla sucharykaŭ: bieły chleb, alej, sol, časnok.
Apcyjanalna: kalandra, imbierac (kali śviežy — smažyć z cybulaj), kary, liście baziliku dla ŭpryhožańnia.
Jak hatavać sup z harbuza
Abłupicie harbuz, dastańcie nasieńnie, miakać narežcie nievialikimi kavałačkami.
Pačyścicie cybulu i drobna narežcie. Trochi absmažcie jaje na patelni (5 chvilin). Dadajcie harbuz i absmažvajcie jašče piać chvilin, dadajcie prypravy.
Pakładzicie ŭsio ŭ kastrulu, zalicie litram chałodnaj vady, na mocnym ahni daviadzicie da kipieńnia, a potym pamienšycie ahoń da słabaha, zakryjcie nakryŭkaj i varycie kala 20 chvilin — da miakkaści harbuza.
Uźbicie ŭsio źmieściva blendaram da adnastajnaści.
Jak zrabić dadatki da supu z harbuza
Sucharyki. Chleb natrycie časnakom i parežcie na kubiki. Na blachu ci folhu nalicie alej i vykładzicie ŭ jaho chleb — raŭnamierna pa formie. Pastaŭcie ŭ razahretuju da 200 hradusaŭ duchoŭku na 10—15 chvilin. Jašče praściej — padsušyć chleb prosta na patelni.
Siemki. Harbuzovyja siemki lepš padsmažyć — pakładzicie ich na trochi prahretuju patelniu i absmažcie na siarednim ahni, pamiešvajcie.
Nalicie sup u talerki, pasypcie siemkami, dadajcie sucharyki i trochi viarškoŭ.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym6
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
što b ja rabiła biez Vašaj Nivy, mužyki (i dziaŭčaty;)
dzie jašče daviedaješsia novych
słoŭ )
smačna i pryhoža
praŭda ja prasiła, kab aprychodavać staryja kabački...) nu ale.. dobra i tak)