Cybula nie tolki ježa, ale i dobry srodak dla vyrašeńnia prablem sa skuraj

Čym bahataja raślina

Cybula ŭtrymlivaje vitamin S, jaki ŭmacoŭvaje imunnuju sistemu, karacin (vitamin A), jaki palapšaje stan imunnaj sistemy, zdymaje stomlenaść vačej, vitaminy hrupy V, fosfar, žaleza i kalcyj, a taksama efirnyja alei i złučeńni siery. Raślina — krynica antyaksidantaŭ. 

Čym karysnaja cybula

Daŭno viadoma, što cybula źjaŭlajecca mahutnym supraćmikrobnym srodkam. Jana dapamahaje zmahacca ź virusami, bakteryjami, hrybkovymi zachvorvańniami, vałodaje dezinfikujučymi ŭłaścivaściami.

Cybulny sirop dapamahaje ad nasmarku, kašlu i bolu ŭ horle. 

Padčas prastudy jaje nie tolki ŭžyvajuć u ježu, ale i pakidajuć u pamiaškańni ŭ razrezanym vyhladzie dla abiezzaražvańnia pavietra.

Cybulu zdaŭna ŭklučali ŭ skład kompleksnaha lačeńnia cynhi. Śviežavycisnuty sok cybuli hoić orhany stravavańnia, uzmacniaje pierystaltyku, zdymaje zapaleńnie kišečnika, spyniaje dyjareju.

Daśledavańni paćviardžajuć, što ŭžyvańnie cybuli moža abaranić ad raku toŭstaj kiški i straŭnika, sardečnych zachvorvańniaŭ.

Jana taksama źnižaje ŭzrovień drennaha chalesterynu, rehuluje ŭzrovień cukru ŭ kryvi i abaraniaje kości (heta asabliva važna dla žančyn paśla mienapaŭzy).

Hetaja harodnina moža stać sajuźnikam pry dohladzie za skuraj i vałasami

Cybula dapamoža pry drobnych rankach i parezach. Dla hetaha varta prosta prykłaści da paškodžanaha miesca marlu, u jakuju budzie zakručanaja parezanaja cybula. Kab ranka zahaiłasia chutčej, nieabchodna hetu praceduru paŭtaryć niekalki razoŭ.

Cybulny sok źmiaščaje fiermienty, jakija zapuskajuć pracesy rehienieracyi skury. Tamu jana dapamoža pazbavicca chirurhičnych rubcoŭ.

Dla hetaha nieabchodna papiarednie rasparanuju skuru ŭ vobłaści rubca niekalki razoŭ u dzień zmazvać sokam cybuli. Na noč robicca kampres ź piečanaj cybuli. Praceduru paŭtarajuć štodzień na praciahu niekalkich miesiacaŭ.

Budźcie hatovy da taho, što vynik adrazu vy nie ŭbačycie, ale jon abaviazkova budzie pry rehularnaści pracedur.

Hetaja harodnina dapamoža i pry pčalinych ukusach. Pakładzienaja na miesca ŭkusu parezanaja cybula źmienšyć aciok, vyciahnie atrutu i paskoryć zahojvańnie.

U kompleksie z alejami hetaja harodnina ŭmacoŭvaje vałasiany falikuł, pieraduchilaje vypadzieńnie vałasoŭ, nadaje im blask i šaŭkavistaść.

Sokam cybuli raniej vyvodzili viasnuški, čornyja plamy ad krovapadciokaŭ i vuhry.

Cybula paśpiachova vykarystoŭvajecca ŭ baraćbie z mazalami i raskolinami na piatkach.

Dla hetaha biaruć adnu łusku cybuli, papiarednie źniaŭšy ź jaje tonkuju prazrystuju plonačku, i prykładajuć da mazala tym bokam, ź jakoha prybrali plonku. Takaja prymočka raźmiakčaje skuru, zahojvaje ranku i abiezzaražvaje pavierchniu stupni.

Admoŭnaje ŭździejańnie cybuli

Praźmiernaje ŭžyvańnie moža pryvieści da ŭzmacnieńnia hazaŭtvareńnia, vyklikać piakotku, akazać słabicielnaje ŭździejańnie. Nie rekamiendujuć užyvać cybulu ŭ vialikich kolkaściach ludziam z hipiertanijaj, bo jana pavyšaje cisk.

Užyvańnie cybuli lepš abmiežavać ludziam, jakija pakutujuć na jazvu, pankreatyt i kalit.

Źviartajem uvahu na toje, što vonkavaje vykarystańnie cybuli i jaje soku patrabuje aściarožnaha padychodu, kali vy schilnyja da skuranych alerhičnych reakcyj i bronchaspazmaŭ ad pachaŭ.

Čytajcie jašče:

Krapiva, miedunica, makryca dy inšaje pustazielle, jakoje ŭzbahacić vaš stoł

Čaramša — skarbnica vitaminaŭ. Voś što ź jaje možna hatavać i jak vyroščvać

• 17
• 0
• 1
• 1
• 3
• 2
• 4
• 0