«Mnie i paviedamlać u orhany nie pryjšłosia — kalehi «stukanuli». Biełarusy raskazali, što jany robiać z abaviazkam paviedamlać pra DNŽ i «karty palaka»
Hramadzian Biełarusi abaviazali paviedamlać u milicyju adnosna dazvołu na žycharstva, hramadzianstva inšaj krainy abo «karty palaka». Pavodle słoŭ načalnika Departamienta hramadzianstva i mihracyi MUS Alaksieja Biehuna, biełaruskija hramadzianie aktyŭna zajaŭlajuć pra svaje zamiežnyja dakumienty. Pavodle jaho słoŭ, užo 6,5 tysiač čałaviek źviarnulisia ŭ orhany. Vydańnie Ex-press.by zapytała ŭ čytačoŭ, što jany dumajuć z hetaj nahody i što źbirajucca rabić.
Barys, Polšča:
«Ja vyrašyŭ časova nie naviedvać Biełaruś. U maim pašparcie, u jakim jość viza pa Karcie palaka, paznačanaja meta vydačy — «24». Pry pierasiačeńni miažy pamiežniki buduć bačyć, jak hetaja viza była atrymanaja. Akramia taho, mnie paviedamili, što padarožža ŭ Biełaruś bieź vizy, pry najaŭnaści DNŽ, moža być ryzykoŭnym. Kali pamiežniki ŭbačać adsutnaść vizy ŭ pašparcie, jany mohuć padazravać najaŭnaść DNŽ, što moža paciahnuć za saboj niepryjemnyja nastupstvy».
Volha, Polšča:
«Ja studentka polskaj VNU, jeździła na kanikuły ŭ Barysaŭ. Na druhi dzień majoj mamie patelefanavali i skazali, kab ja pryjšła ŭ KDB. I my pajechali. Nas pytalisia pra abstanoŭku na miažy, pra toje, jak doŭha ja jaje prachodziła, chto i što mnie kazaŭ, jak siabie pavodzili ludzi. A pra DNŽ ničoha nie spytalisia».
Jahor, Hiermanija:
«Ja pakul mahu jeździć u Biełaruś. Ale nie ŭjaŭlaju, što budu pra niešta dakładvać u orhany. Fu… Mnie praściej zrabić zaprašeńnie rodnym, chaj jany da mianie pryjazdžajuć. Chaču, kab zusim z hetaha kancłahiera źjechali, ale ich pakul trymaje majomaść — lecišča, kvatera. Sprabujuć abychodzić vostryja vuhły. Nie pajedu ja pakul da ich».
Lena, Biełaruś:
«U mianie «karta palaka», na pracy pra heta viedajuć paru čałaviek. Mnie i paviedamlać u orhany nie pryjšłosia — kalehi «stukanuli». Tak što amal adrazu, jak tolki abaviazali paviedamlać, mianie paklikali da načalstva, tam byŭ naš kadebist… Dapytvali, navošta jana mnie patrebna i jakija płany ŭ mianie pa žyćci».
Fiodar, Biełaruś:
«U mianie «karta palaka» i va ŭsioj siamji, užo hadoŭ ź piać. Dzieci — studenty ŭ Polščy. Sam nie chadziŭ paviedamlać, tamu što i nie chavaŭ asabliva, choć i nie chvaliŭsia. Niadaŭna mianie vyklikali da načalstva na pracy, ale nie zrazumieŭ, što chacieli. Pra toje, kab kudyści ŭ milicyju jašče paviedamlać, havorki nie było».
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha102
Kamientary